Puhaichandchariyam

SR No.: 001370
Original Sutra Author: Shantisuri
Author: Ramnikvijay Gani
Publisher: Prakrit Text Society Ahmedabad
Publication Year: 2006
Total Pages: 323
Language: Prakrit, Sanskrit
Classification: Book_Devnagari & Literature
File Size: 9 MB

Page 112

५३
६०९]
सप्पडसियवेयरुइणो गुणसंदरीसीलप्पभावा पउणीभवणं चउत्थवयगहणं च । ताहे पञ्चक्खाओ वेज्जेहिं 'किरेस कालदट्ठो' त्ति । जाओ तो निरासो वेयरुई पुनसम्मो वि ॥ ५७८ ॥ एत्थंतरम्मि गुणसुंदरीए जलकरेयवग्गहत्थाए । सित्तो जलेण सहसा भणमाणीए इमं वयणं ॥ ५७९ ॥ 'जइ ताव निकलंका विज्जइ मम सीलसंपया देहे । ता एसो मम भाया होउ लहुं निन्धिसो अज' ॥५८०॥ इय वारतियं सित्तो संजाओ निधिसो खणद्धेण । विम्हियमणेण भणियं जणेण 'सीलं जए जयइ ॥५८१॥ मिलिओ नयरीलोगो 'जय जयहि महासई'त्ति पंतो । पकओ पूयं तीसे कुसुमंजलि-अक्खयाईहिं ॥ ५८२॥ 5 भणियं च वेयरुइणा "भो भो ! अचंतविम्हओ मज्झ । 'को एसो वुत्तो ?' करेह मं गहियसंबंध" ॥ ५८३॥ सिटुं जणेण 'भो अग्गजम्म ! जम्मंतरं व संपत्तो । आसि तुमं पहरदुगं गारुडियाणं पि मड्डाए ॥ ५८४ ॥ जणजणियचमुक्कारं काउं नियसीलसावणं सहसा । जीवाविओ सि नवरं एयाए निययभइणीए ।। ५८५ ।। तम्हा महासईए कीरइ अम्हेहिं पूयसकारो' । इय भणिय गए लोए वेयरुई भणइ तं पणओ ॥ ५८६ ॥ 'आसि पुरा तं भइणी, संपइ पुण जीवदाणओ जणणी । पावमइवारणाओ गुरू वि तं निच्छियं मज्झ ॥५८७ 10 मुणियं तुह माहप्पं मए, तए पावचेट्ठियं मज्झ । ता भण कं उवयारं करेमि तुह पावकम्मो हं ?' ॥ ५८८ ॥ तीए भणियं 'सुंदर ! उवयरियं सबमेव मह तुमए । जइ परदारनिवित्तिं करेसि परमत्थबुद्धीए ॥ ५८९ ॥ दोग्गइमूलं अयसस्स कारणं कुलकलंकखयहेऊ । आयास-किलेस-महाविरोहजणणं खु परदारं ॥ ५९० ॥ अहवा तए सयं चिय दिह्रो परदारवज्जणपहावो । ता बुज्झसु आयहियं, किं बहुणा भाय ! भणिएण?' ॥५९१ पडिवन्जिय वयमेयं कहिऊण पुरोहियस्स सम्भावं । तं खामिऊण बहुहा सट्ठाणं पडिगओ बडुओ ॥ ५९२ ॥ 15 पिइहर-कुलहरकयउद्धवाए गुणसुंदरीए धीराए । एवं अकरणनियमो नरवर ! अणुपालिओ सुइरं ।। ५९३ ॥
एएण पगारेणं रइसुंदरिमाइयाओ चउरो वि। परपुरिससंगपावे अकरणनियम चिरं काउं ॥ ५९४ ॥ उववण्णाओ तियसालयम्मि रइसुंदरे वरविमाणे । फारप्फुरंततणुतेयलच्छिपज्जोइयदिसाओ ॥ ५९५ ॥ देवीओ दिव्वसुहं चिरमुवमोत्तूण पुण्णसेसेण । आउक्खए चुयाओ अपयरियाओ इह पुरीए । ५९६ ॥ कंचणसेट्ठिस्स पिया वसुहारा, पउमिणी कुबेरस्स । धरणस्स महालच्छी, वसुंधरा पुन्नसारस्स ।। ५९७ ॥ 20 एयासिं सिप्पीण व वियडोयरसंपुडेसु विमलाओ । जायाओ सुवित्ताओ ताओ मुत्तामणीउ च ॥ ५९८ ।। तारा-सिरि-विगया-देविनामधेयाहिं तकुलसराई । पप्फुल्लुप्पलनयणाहिं ताहिं नलिणीहिं व सहति ॥ ५९९ ॥ सुहसंगहियकलाओ लायण्णुवहसियसिययरकलाओ । जणनयणहारिणीओ कमेण जायाओ तरुणीओ ॥६००॥ पुन्निं पिव पुन्नाओ अन्नोण्णममंदनेहपुन्नाओ । सावयकुलजम्माओ पावियदरविरइधम्माओ ॥ ६०१॥ जिणदाणपुन्नगुरुसंकलाए आयहिऊण एएण । विणयंधरेण ताओ विवाहियाओ महाराय ! ॥ ६०२॥ 25 पारण संपओगा समाणपुनाण हुंति संसारे । लोए वि पसिद्धमिणं 'सरिसा सरिसेसु रज्जति' ॥६०३॥ पुन्नाणुवंधिपुण्णप्पवाहतुल्लत्तओ फलं तुल्लं । वेयंति सुहमिमाई पंच वि नरनाह ! धन्नाई ॥ ६०४ ॥ जिणवयणभावियाणं एसिं सुरविहियपाडिहेराणं । जो कुणइ धम्मविग्धं वच्चइ निहणं तओ सिग्धं ॥ ६०५॥ तं पुण उत्तमपुरिसो बुज्झसि किर झत्ति एत्तिएणेव । कयमेयासिं रूवं पवयणदेवीए वीभच्छं ॥ ६०६ ॥ केत्तियमेत्तं एवं नरवर ! ? हुंकारिएण एयासि । जायइ छारुकेरो पुरिसो विजाहरो जइ वि ॥ ६०७॥ 30 नवरं सम्मत्तगुणा अणुकंपाभावियाहिं एयाहि । न कयं कूरं चित्तं तुह उवरि पावमइणो वि ॥ ६०८ ॥ न तहा जणइ अणत्थं पुरिसाणं मंदसाहिया किच्चा । जं खलियारिजंती महासई सीलभंगत्थं ॥ ६०९ ॥ १ संकेतः-“करय त्ति वार्घटिका" ॥ २ तहा कुणइ जे० ॥