Page Text
________________
5
10
15
20
25
30
पुहवीचंदचरिए बीए कमलसेण- गुणसेणाभवे
[ २.५४९
ता परिभावसु सम्मं, किं वा अण्णेहिं इह वियारेहिं ? । इय दुक्खपीडियाए मरणं चिय संपयं सरणं' ||५४९ ॥ वेयरुइणा वि भणियं 'दहूं न तरामि तुह दुहमिणं पि । किं पुण उदग्गहुयवहजालावलिकवलणं मुद्धे ! १ ॥५५० ता वच्च निस्संकं काहं सक्खित्तणं अहं तुज्झ । जं जीवंतो जीवो पावइ भद्दाई रुंदाई' ।। ५५१ ।।
एवं बहुप्पयारं भणमाणो तीए बंभणो भणिओ । 'जह तुह न होइ दुक्खं तह सुयणु ! करेहि, किंबहुणा ?' | आरोविऊण जाणं नेऊण य नयरवाहिरे तेज । भणिया 'कह दाइस्सं नियवयणं एत्थ लोयस्स ? || ५५३ ॥ जइ ताव तरसि गंतुं अहं नियत्तामि ता इओ चेव' । परिचिंतियं च तीए 'मुयामि अविवोहियं कह णु ?' ॥ ५५४ तओ भणियं
५२
'पज्जत्ता अण्णकहा, संपइ तं निद्धबंधवो मज्झ । ता परिहरेहि लज्जं वच्चामो तात्र गेहम्मि ।। ५५५ ।। नियमणिपरायणे का लज्जा ?, अभि य ऊसको एसो । मणनेव्वुई य कह ते होही एत्तो नियत्तस्स ?' ॥५५६ इय भावि गुणदो पत्ताईं दो वि मंदिरे ताई । जाओ सयणाणंदो परितुट्टो पुन्नसम्मो वि ।। ५५७ ।। भणिओ य सुंदरी 'पिययम ! एएन भाउणा अहह्यं । जत्तेग मोइया रक्खिया य कूराण सबराण ।। ५५८ ।। ता एस महासत्तो उत्रयारी अम्ह पल्लिवासी वि । एयस्स य जं उचियं तं जाणइ पिययमो चेत्र' ।। ५५९ ।। भणियं च पुन्नसम्मेण 'भद ! तुम्हारिसस्स विउसस्स । छज्जइ न पल्लिवासो हंसस्स व कायसंत्रासो ।। ५६० ।। ता चित्र सुपूरिस्सं जं न पुज्जई तुज्झ' । इय वयगामयसित्तो चिंतइ लज्जोणओ सो वि ।। ५६१ ॥ "गंभीर - तुंगम - महुरखाणि रुवाणि ताव एएण । रयणायर - सुरगिरि-वेगसवाइ-मयणाण गहियाई ॥ ५६२ ॥ अण्णासंभव एवं सोजन्नं पुण न याणिमो कत्तो । खलसेहरे वि जं मारिसम्म इय पेसलालावो ॥ ५६३ ॥
अहवा
नियगरिमगुणेण मुति नेय खुद्दाण विलसियं गरुया । निवति तणोत्थयकत्रियासु तुंगा वि मायंगा ||५६४ हा ! कह कओ निरत्थो मए अणत्थो इमस्स सुयणस्स ? | फोडेइ बिरालो लोलयाए सारं पि उत्तिविडिं ॥ ५६५॥ यारि पमोत्तुं किं रज्जड़ सुंदरी मइ अभव्वे ? । न रमइ लच्छी कमलायरस्स त्रियत्रणे कह वि ।। ५६६ ॥ निउणा इमीए बुद्धी जं एवं पालियं निययसीलं । अहयं पि पडतो पावपावए वारिओ विहिणा ॥ ५६७ ॥ गरुयावरहगहिओ जइ एत्तो नीहरेज्ज जीवंतो । भुज्जो एवंविहदुभए ता नेव वट्टिस्सं" ॥ ५६८ ॥ अह 'मज्जणवेला वट्ट' त्ति किंकरगणेण विन्नते । आमंतिऊण इयरं समुट्टिओ पुण्णसम्मो वि ॥ ५६९ ॥ अभंगुण-मज्जणाई कारावियाई एयस्स । पढमं खु पुरोहियनंदणेण पच्छा सदेहस्स ।। ५७० ॥ दाऊण चोक्खजुयलं विहिणा कयभोयणाइकोयव्त्रा । गमिऊण दिणं सुत्ता रयणीए उचियसेज्जासु ॥ ५७१ ॥ 'अवराहि' त्ति ससको न लहइ निद्दं तहा वि वेयरुई । अइतरलतारनयणो मग्गइ य विणिग्गमोत्राए || ५७२ || न हि पत्तियंति पात्रा चलभावा सरलसज्जणाणं पि । आयावराहविहुरा संकंति असंकणिज्जं पि ॥ ५७३ ॥ इय सो मज्झिमरते निग्गंतुमणो समुट्ठिओ सणियं । डक्को य देव्वजोगाऽऽगएण सहसा भुयंगेण ॥ ५७४ ॥ पुकारियं निसामिय आणावियदीवरण सच्चत्रिओ । घोरो कसिणभुयंगो सपरिच्छयपुन्नसम्मेण || ५७५ ।। वाहरिया सैयराहं ताहे नयरीपसिद्धगारुडिया । पकया य ते तिगिच्छं ससत्तिओ मंत-तंतेहिं ॥ ५७६॥ पेच्छंताण य तेसिं रुद्धा वाणी, ठियं अचलमंगं । नवरं तु किंचि सच्चेयणाई मण सवण नयणाई || ५७७ ||
१ सङ्केत:- "वणसवाय ति कोकिला" ॥ २ सङ्केत:- "उत्त (१त्ति) विडिं ति भाण्डकावलिम्" ।। ३सङ्केतः - " रुविय ति अर्कः " ॥ ४ नियं सीलं जे० विना ॥ ५ काइव्वा जे० ॥ ६ संकेत:- "सयराहं ति शीघ्रम्" ॥
Jain Education International
For Private Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |