Page Text
________________
५४८ ]
भिल्लपल्ली वेयरुइअवहरियगुणसुंदरीकया नियसीलरक्खा ।
नाऊण निच्छयं से भणियं गुणसुंदरीए 'जइ एवं । जं सुंदर ! तुज्झ हियं मए वि तं चैव कायव्वं ॥ ज मज्झ संपओगा होइ सुहं सुहय ! उत्तमं तुज्झ । पल्ली विसग्गतुल्ला ता पडिहासइ फुडं मज्झ ॥ किंतु मए पारो साहेउं दुल्लहो महामंतो । पडिवन्नं च तयत्थं मासे बंभव्वयं चउरो ॥ ५२३ ॥ समइच्छियं तयद्धं मासदुगं सेसयं पुणो अस्थि । सहियं च बहुं तुमए ता विसहसु थेवमेयं पि ॥ ५२४ ॥ तत्थ पुण एस कप्पो पुरिसो सव्वो वि भाइ- पिइकप्पो । दट्ठव्यो अवियप्पं वज्जं भोगंगमवियप्पं' ।। ५२५ ॥ भणियं च तेण 'सुंदरि ! सिज्झइ किं नाम तेण मंतेण ?' । तीए भणियं 'विहवो पुत्तप्पत्ती अवेहव्वं ' ॥ ५२६ ॥ ' एगंतहियं एयं ममं ' ति तुट्ठेण मन्नियं तेण । इयरी वि ठिया तहियं दुहा वि मोक्खं अहिलसंती || ५२७ ॥ तओ
सव्वायरेण सव्वं गिहकिचं कुणइ पच्चयनिमित्तं । सयणाऽऽसण अन्भुद्राणमाइणा दंसह सिणेहं ।। ५२८ ।। नाणावंजणपकण्णसुंदरं कुणइ सुंदरं पायं । घय-गोरसाइपउरं परिवेसइ विप्पजणदइयं ।। ५२९ ॥ अवि य
जो सा तं वैरभोयणेहिं न य लोयणेहिं निद्धेहिं । सोय सययं चिय माणसेण सच्छेण, न जलेण ॥ ५३० ॥ दसिय कारिमनेहं तह तीए पत्तियाविओ एसो । जह मन्नइ 'एयाए वसामि हियए अहं चेत्र' ॥ ५३१ ॥ परसोसिओ य अप्पा आयंबिल - ओमभोयणाईहिं । हाणुव्वट्टणमुहं चत्तं तह देहपरिक्रम्मं ॥ ५३२ ॥ अण्णसमयम्मि सहसा रयणीए पच्छिमम्मि जामम्मि । अक्कंदिउं पवत्ता सा नियमे पुण्णपायम्मि ॥ ५३३ || 15 भणिया दिएण सुंदरि ! किं ते बाहइ सरीरमज्झम्मि ?' । तीए त्रि सदुक्खं चिय भणियं अफुडक्खरं 'सूलं' ||५३४ तं दण विसनो वेयरुई कुणइ उवसमोवाए । मणिमंतोसहिजोए सभ य परओ जहानाणं ।। ५३५ ॥ गुणसुंदरी त्रि मणयं गोसे उवसंतवेयणा सणियं । कुणइ खलंतपडती कंदती गेहकिचाई ॥ ५३६ ॥ भइ य “अहं अजोगा तुह घरवासस्स सुहय ! निब्भग्गा । जेणेरिसं महंतं उत्रद्वियं दारुणं दुक्खं ।। ५३७ ॥ तिव्त्रा सिरम्मि वियणा, डज्झइ अंगं हुयासगसियं व। छिज्जंति व अंताई, फुडंति सव्वंगसंघीओ ॥ ५३८ ॥ 20 इय दुहदा पलित्ता मण्णे 'पाणे चिरं न धारिस्सं' । तं पुण तवेइ अहियं न पूरिया जं तुह सुहासा ॥ ५३९ ॥ मह पावाए कज्जे सुइरं आयासिओ तुमे अप्पा | मायन्हियाणुधाविरहरिणेण व न य फलं पत्तं ।। ५४० ॥ अनं च
काउं परस्स पीडं जं रइयं अप्पणो सुहं पुत्रि । तस्स विवागमगाहा सहामि अइदारुणं मने ।। ५४१ ॥ दाऊण मए हरियं, चंडमेलंड व कस्सई दिण्णं । भग्गं च वयं पुत्रि, हरियं दइयं च कस्सावि ॥ ५४२ ॥ तद्दुक्कडा वियर्झा अज्झा उज्झामि तुज्झ नयणग्गे । देहि लहुं कट्ठाई न अण्णहाऽवे मे दाहो" || ५४३ ॥
त्रिवि विलति अकयाहारं सनिंदणपरं च । पिच्छिय पच्छायावी जंपर विप्पो सनिव्वेयं ॥ ५४४ ॥ 'पाणे वि अडवेउं किर सुंदरि ! तुह पियं करिस्सामि । विहिणो वसेण नवरं जायं तुह एरिसं दुक्खं ॥ ५४५ ॥ ताज भणासि संपइ सावत्थि पुरवरिं तुमं नेमि । वेज्जोसहाइजोगा संभवइ अरोगया तत्थ' || ५४६ ॥ ती भणियं 'सुंदर ! न याणिमो किं पि दुज्जणो भणिही । कह पत्तिएज भत्ता असयईसालुओ सो मे ॥ ५४७ 30 गत दुक्खमि बीयं पुण दुज्जणाणमुल्लावा । खारक्खेवं व खए को एयं विसहिउं तरइ ? ॥ ५४८ ॥
Jain Education International
५१
१ " बन्दिमोक्षं मुक्ति च" जेटि० ॥ २ सङ्केत:- "यो (जो ) यह त्ति योजयति, न तु पश्यति; वरकोदनैः - प्रधानकूरैः " ॥ ३ वरकोयणेहिं (१) सङ्केतसम्मतपाठः ॥ ४ सङ्केत:- " सोयह ति शोचयति, न तु शौचं ५ सङ्केत:- "अलंड ति आलम्" || ६ "परतन्त्रा" जेटि● ॥ ७ अइसाई जे० ॥
कुरुते" ।।
For Private Personal Use Only
५२१ ॥ ५२२ ॥
5
10
25
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |