Page Text
________________
४३५ ] भिण्णपोयाणं धम्म-रिद्धिसुंदरीणं समुडुत्तारो लोयणवणियाओ रिद्विसुंदरीकया सीलरक्खा य । ४७
जुत्तं ममावि नूणं पडिउं रयणायरम्मि रयणीए । जं कंतविउत्ताणं मरणं सरणं कुलबहूणं ।। ४०८ ॥ अहवा वि बालमरणं पडिसिद्धं जिणमए पयत्तेण । संभवङ् जियंतीए कयाइ सद्धम्मचरणं पि ॥ ४०९॥ ता जीवि पि जुत्तं किंतु न याणामि कह वि एयाओ। अक्खंडियसीलगुणा पाविस्सं जलहिपेरंतं ? ॥४१०॥ अहवा अस्थि उवाओ सामेणं कालगमणिया एत्थ । सानडिया पुरिसा वासाण सयं पि विसहति" ॥४११॥ इय चिंतिऊणं भणियं का पुण अन्ना गई मह इयाणि ? । उत्तरिमो जलहीओ चिंतिस्सामो तओ उचिय॥४१२ । संजायासाबंधो पडिवज्जिय तग्गिरं स मोहंधो । परिवालिडं पवत्तो सुणओ इव फेलियोसत्तो ॥ ४१३ ॥ अह दुम्नयदसणकुवियदेवयादुप्पउत्तपवणेण । फुडिऊण जाणवत्तं सहसा असणं पत्तं ॥ ४१४॥ लद्धण मुकयजोगा सम्मत्तं पिव मुँहावहं फलयं । संसारभीमजलहिं संतिना सुंदरी तेण ॥४१५॥ मिलिया य पुनविहडियपवहणफलएण पुन्धपत्तस्स । धम्मस्स धम्मजोगा थाणे थाणेसरे तुरियं ॥४१६॥ परिओसामयरससित्तसव्वगत्तेहिं निययमणुभूयं । लक्खियलोयणचरियं परोप्परं पुच्छियं कहियं ॥४१७॥ 10 सोउं लोयणवसणं धम्मो धणियं विसायमावन्नो । अवयारकारणम्मि वि कारुणिया सज्जणा हुंति ।। ४१८ ॥ भणियं च 'पिए ! धन्ना जिण-गणहरमाइणो महाभागा । जेसिं अन्भासत्या चयंति जीवा अमुहभावं ॥४१९॥ अम्ह पुण सन्निहाणे दूरे ता सुद्धधम्मपंडिबोहो । पेच्छाऽसुहपरिणामो अहिययरो चे से जाओ ॥४२०॥ जेणऽम्हं उवयरियं दावियतीरेण अइनिरीहेण । सो वि कह पेच्छ पत्तो जीवियसंदेह-धणहाणि ॥ ४२१ ॥ इय तं सोयंताई ताई दिट्ठाई गामनाहेण । रूवमउव्वं तेसिं दठूण विचिंतियं चेवं ॥ ४२२ ॥
15 'मयणो व्य पियासहिओ एसो खलु को वि उत्तमो पुरिसो। विहिविलसिएण केणइ एगागी इह समायाओ॥४२३ तम्हा करेमि उचियं गोरवमेयस्स देवरुवस्स । अब्भुद्धारं च तहा अणुरूवं निययविहवस्स ।। ४२४ ॥ कड्ढिजंति गइंदा पंके खुत्ता महागइंदेहिं । आवइपडिया सुयणा सुयणेहिं समुद्धरिजंति' ॥ ४२५ ॥ इय चिंतिऊण बहुमाणसारमाभासिओ वणी तेण । धरिओ य वरावासे कयप्पसाओ धुयविसाओ ॥ ४२६ ॥ कालोचियववसाया वड्डतधणस्सऽणाउलमणस्स । वच्चंति तत्थ दियहा सुहेण धम्मस्स धन्नस्स ।। ४२७॥ 20 सो वि पुण लोयणो कंठपत्तपाणो पुराणकटेण । कटेण नट्ठचेट्ठो लग्गो तीरे समुदस्स ॥ ४२८ ॥ कह कह वि लद्धसण्णो ठिओ तयासण्णपल्लिगामम्मि । तत्थ य मच्छाहारे गिद्धो गिद्धो ब्व मोहंधो ॥४२९॥ चलियं च से सरीरं रसंसदोसेण थेवदियहेहिं । इय दुटकुट्ठनिहानिटियचेट्टो जियइ कटं ॥ ४३० ।। अवि यधम्मविधाएण नरो इच्छंतो माणिउं पियसुहाई । गयबुद्धिलोयणो लोयणो ब दुहभायणं होइ ॥ ४३१॥ 25 संपत्तो य भमंतो कयाइ थाणेसरं दुहकिलंतो । उदयत्यनिग्गयाए दिट्ठो धम्मस्स जायाए ॥ ४३२॥ संवेगघणघिणारसवसेण उप्फालिओ य दइयस्स । कारुण्णसारयाए तेणावि गिहं समाणीओ ॥ ४३३ ॥ भणिओ य'पैहसंगमसालस्स व बहुजणसुहयारिचारुचरियस्स । हा! कहमिमा अवत्था वट्टइ अइदारुणा भवओ ॥४३४॥ अहवागरुयाणं चिय भुवणम्मि आवया हुंति न उण लहुयाण । गैहकल्लोलगलत्था ससि-सूराणं, न ताराणं ॥४३५॥
१ जियंताणं क भ्रा० ॥ २ कहमिवेयाओ जे०विना ॥ ३ सङ्केतः-"फेलिय ति उच्छिष्टघात्यम्(धान्यम् )" ॥ ४ सधेत:-"सुहावहं ति सुखावहम् , फलदं फलकं च" ॥ ५ 'पडियोहे श्रा० ॥ ६व संजाओ जे.॥७"चतुष्पथतरो" . जेटि• ॥ ८ सङ्केत:-"गहकल्लोलो राहुः" ॥
30
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |