Page Text
________________
३७८] बुद्धिसुंदरीसीलरक्खणं । विणयंधरतइयभज्जाए पुत्वभवे रिद्धिसुंदरीनामाए धम्मेण सह पागिरगहणं । ४५
भण किं करेमि इण्हिं तुज्झ पियं सुयणु ! मंदभग्गो ह ?' । तीए भणियं 'गिन्हमु विणिवित्तिं परकलत्तस्स' ॥३५१ तो हरिसपुलइयंगो चक्को इव दिट्ठउग्गयपयंगो। विरओ परदाराओ राया कयधम्मगुणराओ ॥ ३५२॥ 'भो साहु साहु सुपुरिस ! मुणियं तत्तं उरीकयं सत्तं । न य मेइलिओ सवंसो' इय सुंदरिए कयपसंसो ॥३५३।। खामिय पुणो पुणो तं पूइयसकारियं विसज्जेइ । मंतिस्स वि सपसाओ राया पुचि व संजाओ ॥ ३५४ ॥ एवं अकरणनियमो अकलंको पालिओ इमीए वि । जिणसासणसरसिरुहं सेसं व सिरे धरतीए ।। ३५५॥ 5
अह तामलित्तिउत्तमचित्तगयनेगमंगओ धम्मो । वाणिज्जकए सांकेयमागओ मुणियजिणधम्मो ॥ ३५६ ॥ तेण य कयाइ विवणिट्ठिएण किर रिद्धिसुंदरी दिट्ठा । सहसा सहीहिं सहिया वचंती रायमग्गेण ।। ३५७ ।। परिचिंतियं च ताहे 'अहो ! असारे वि एत्थ संसारे । एसा सारंगच्छी सारायंति व पडिहाइ ॥ ३५८ ॥ जइ कीरइ गिहवासो आसाबंधो य विसयमुहलेसे । ता सह इमीए जुत्तो इहरा उ विडंबणा चेव ॥३५९॥ इय चिंतिरस्स अहियं वच्चइ तहियं पुणो पुणो तस्स । वारितस्सावि वला दिट्ठी गिट्टि ध जवसम्मि ॥३६०॥ 10 एत्थंतरम्मि देखा कुऊहलालोयबाउलमणाए । तीए वि लोयणाई सहस च्चिय तम्नि पत्ताई ॥३६१ ।। तं पेच्छिउकामाए तत्तो उदिस्स सहियणं भणियं । 'एसो हला ! नवल्लो दीसइ वाँलुंजओ कोइ' ॥ ३६२ ॥ मुणियमणोभावाए भणियं एगाए ईसि हसिऊण । 'सच्चं न एस वल्लो दीसह सहि! तिलमओ जेण' ॥३६३ अन्नाए संलत्तं 'सहि ! एसो निउणकरिसओ कोइ । जो उप्पायइ खिलबल्लरेसु सहसा तिले विउले' ॥३६४॥ अन्ना वि आह 'मुद्धे ! नणु एसो पस्सओहरो "त्थिन्नो । जेण सहिचित्तवित्तं हरियं सब्बासि पच्चक्खं ॥३६५ 15 ता उवणिजउ मुद्धे ! एस महाँरायगोयरं तुरियं । जेणऽम्ह सामिणीए अप्पइ सयलं हिययरित्थं ॥ ३६६ ॥ अन्ना भणइ 'सयं चिय गहिओ एसो हलाऽणुराएण । नजइ जीवियकज्जे महइ अो सामिणीसरणं' ॥३६७ 'नाया है' ति विलक्खा अह पभगइ रिद्धिसुदैरी ताओ । 'संचलह हला ! हुलियं अलं असंबद्धवाएण' ॥३६८॥ एत्यंतरम्मि सहसा छीयं धम्मेण नियनिमित्ताओ। भणियं च तयवसाणे 'नमो नमो जिणवरिंदाणं' ॥ ३६९ ॥ तं सुणिय समुल्लसियं अहिययरं रिद्विसुंदरीए वि । भणियं च 'चिरं जीउ जिर्णिदभत्तो जणो एस' ॥३७०॥ 20 आयन्निय नीसेसं वुत्तमिणं सुमित्तवित्तेसो । पुच्छइ धम्मसरूवं तयभिन्ने भन्नजीवो ब ।। ३७१ ॥ नाऊण परियणाओ चेइय-जइपूयणेकरसियत्तं । तस्स सयमेव गंतुं वियरइ धूयं सुहमुहुत्ते ॥ ३७२ ॥ मग्गंताण वि कुल-रूव-विहव-कोसल्ल-कित्तिकलियाण । जिणमयबज्झाण बहूण जा न दिन्ना पुरा पिउणा ॥३७३ संपइ अमग्गिया सा लद्धा धम्मेण जिणमयरएण । अहवा अमग्गिय चिय लहंति सोक्खं जिणमयत्था ॥ ३७४ ।। वारिजयम्मि वत्ते संपुनमणोरहो सह पियाए । कयकाययो धम्मो संपत्तो तामलित्तीए ॥३७५॥ 25 जायं च तहा तेर्सि पेम्म नियडियहिययसम्भावं । न सहति विपओगं जह दो विनिमेसमेतं पि ॥३७६॥ अह अन्नया सभज्जो पोएण महग्यभंडभरिएण । धम्मो धणज्जणत्थं संपत्तो सिंहलद्दीवं ॥ ३७७॥ तत्तो विद्वत्तवित्तो पमुइयचित्तो लहुं पडिनियत्तो । पत्तो अंतो रयणायरस्स भवभीमरूवस्स ॥ ३७८ ॥
१ मयलिओ ख२ ॥ २ सागेय जे०विना ॥ ३ तेण वि कयां जे० ॥ ४ संकेत:-"सारायंति व्यत्ति सारायमाणा" ॥ ५ सकृत्सूतगौः इत्यर्थः ॥ ६ देवा जे०विना ॥ ७ "वालुंजओ-वणिक्" जेटि० ॥ ८ "वल्लो हि रूक्षः, अतः स्नेहसद्भावात् तिलमयः-स्नेहमय." जेटि• ॥ ९ संकेत:-"तिलशब्देन स्नेहो लक्ष्यते" ॥ १० एसो नूण करि जे० ॥ ११ सङ्केत:-"खिलवल्लरेसु ति अकृष्टक्षेत्रेषु" । "खिलवालरेषु-ऊषरक्षेत्रेषु अकृष्टक्षेत्रेषु कन्यासु इति भावः” जेटि• ॥ १२ त्येन्ना जे विना । "स्तेनःचौरः" जेटि० ॥ १३ सङ्केत:-"महाराजस्य महारागस्य गोचरम् , राज्ञा रागेण च" ॥ १४ 'दरी तत्तो । संचल्ल हला! जे.॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |