________________
અધ્યાત્મ લુબ્ધ થઈ જઈ, દાનાદિ સત્કાર્યો કરી શકતો નથી અને ચિંતામાં જ મૃત્યુ પામીને આ ભવ-પરભવ બન્ને હારી જઈ દુર્ગતિના દુઃખનું ભાજન બને છે. મોક્ષમાર્ગની સાધનાની શરૂઆતમાં ઘણી મુશ્કેલીઓ આવે છે. તે સમયે શાંતિ અને ધીરજ રાખવાં જોઈએ.
આધ્યાત્મિક્તા આપણા જીવનમાં તાણાવાણાની જેમ વણાઈ જાય તો જાણવું કે આપણા પર પરમાત્માનો અનુગ્રહ થયો છે.
• જેમ જેમ મનુષ્યનો આત્મવિકાસ થાય તેમ તેમ તે, બીજા
માટે કોમળ અને પોતાને માટે કડક અને સભાન થતો જાય છે. સત્યને પામવું હોય તો શાંત થતાં શીખો. સ્વચ્છેદે વર્તવું અને આત્મકલ્યાણ થવું તે અસંભવિત છે. સંતોની સેવા કરવી, કોઈની નિંદા ન કરવી, આહારશુદ્ધિ રાખવી, પાપકાર્યો ટાળવા અને સર્વજીવો સાથે પ્રેમથી વર્તવું - આ પરમાત્મદર્શનની મુખ્ય ચાવીઓ છે. સત્યને પામવા માટે પાત્રતા પ્રગટ કરવી જોઈએ. તે માટે ઘણી શ્રદ્ધા, ધીરજ, સમર્પણભાવ, સાચી સમજણ અને સાહસ જોઈએ. મોક્ષમાર્ગની પ્રાપ્તિમાં આત્મજ્ઞાનની પ્રાપ્તિ એ મુખ્ય છે, પ્રથમ
A - ૩૦
Jain Education International
For Private & Personal Use Only
www.jainelibrary.org
