________________
સંસ્કાર
સંસ્કાર પરંપરાનું જતન કરવા કટીબદ્ધ બનીએ. ખરાખરીનો જંગ ખેલીએ. મહાત્મા ગાંધીજીએ બતાવેલા ટ્રસ્ટીશીપના સિદ્ધાંતને અનુસરીએ અને બીજા પણ ઉપર કહ્યાં તેવા જીવનમૂલ્યોનું જતન કરીને આપણી અસ્મીતા જાળવીએ. એમ કરવાથી જ આપણને આ જીવનમાં સુયોગ્ય સંપત્તિ, સંતતિ, શાંતિ અને સુયશ, કરૂણા, સમાધાન અને સૌમનસ્ય, તેમ જ અંતે વિશેષ અભ્યુદય સહિત પૂર્ણ મોક્ષની પ્રાપ્તિ થશે; જે ત્રણ કાળ, ત્રણ લોકની સર્વોત્કૃષ્ટ સિદ્ધિ છે એ વાત સુનિશ્ચિત છે.
પરમાત્મા-સદ્ગુરુઓની કૃપાપ્રસાદીથી આપણું આ અભિયાન સફળ થાઓ! સફળ થાઓ!
નારીનું વ્યક્તિત્વ : ભારતીય પરંપરાના સંદર્ભમાં
કોઈ પણ દેશ કે સમાજની ઉન્નતિનો મુખ્ય આધાર તે દેશની નારીના જીવનના અભિગમ ઉપર ખૂબ જ આધારિત છે. આ મૂળભૂત સત્યના કારણનો વિચાર કરીએ ત્યારે જણાય છે કે નારી, માનવજીવનના સર્વ તબક્કાઓ ઉપર અત્યંત ઘનિષ્ટ પ્રભાવ પાડે છે અને તેથી માનવના વિકાસમાં તેનો ફાળો અત્યંત મહત્ત્વનો છે.
આપણે આ અવિન પર અવતાર લઈએ તે પહેલાના લગભગ નવ મહિના સુધી આપણી માતાના ઉદરમાં રહેવાનું હોય છે. ભારતીય મનીષિઓએ પૂરવાર કર્યું છે કે ગર્ભાવસ્થામાં પણ આપણા જીવનનું સંસ્કારીકરણ ચાલુ જ હોય છે અને તેથી સગર્ભાવસ્થાના માતાઓના આચાર-વિચારની બાળકના ભાવિ ઉપર ખૂબ જ અસર પડે છે. આ વાતની સત્યતા ભારતની સંસ્કૃતિ અને ઇતિહાસ,
Jain Education International
-S-૧૦ -
For Private & Personal Use Only
www.jainelibrary.org
