________________
( જીવત-વિજ્ઞાત અને તેમના પુણ્યોદયથી સહજપણે પ્રવહે છે. તે પૂર્ણ પરમાત્માનો બોધ સહજ છે, સૂક્ષ્મ છે, સંપૂર્ણ છે, સર્વજીવહિતકારી છે. તેનો પ્રત્યક્ષ યોગ આ કાળે, અહીં આપણને પ્રાપ્ત નથી. તે બોધ અવર્ણનીય, સમસ્ત લોકાલોકનો પ્રકાશક, સૂક્ષ્મ, સંપૂર્ણ વૈજ્ઞાનિક અને સર્વોત્તમ છે.
- સહજવાણી [હાથનોંધના આધારે)
સપુરુષો પાસેથી મળેલી નીચે પ્રમાણેની પ્રસાદીને આ દેહધારી જીવે ઉપકારવશ થઈ વિનયસહિત સ્વીકારી :
૧. તત્ત્વદૃષ્ટિ ૨. મધ્યસ્થતા-નિષ્પક્ષતા ૩. સાપેક્ષ સમજણ દૃષ્ટિ ૪. સ્વાધ્યાયમાં નિષ્ઠા ૫. ભક્તિવાનપણું અને તેનું ફળ એવો પરમ વિનય ૬. ગુણગ્રાહીપણું ૭. પૂર્ણપદનો લક્ષ.
તત્ત્વદૃષ્ટિ તત્ત્વદૃષ્ટિ એટલે સૂક્ષ્મ દૃષ્ટિ, સત્યદૃષ્ટિ, પારમાર્થિક દૃષ્ટિ. જે દૃષ્ટિને ખરેખર પ્રાપ્ત થવાથી જીવ અનંત શાશ્વત સુખને અવશ્યપણે પામે તેને તત્ત્વદષ્ટિ કહે છે. તત્ત્વદષ્ટિ જેને થાય તેને શુદ્ધ એવું જે આત્મપદ તે – ઉપાદેય રૂપે નક્કી થાય. તેને આત્માની વિકારી અવસ્થા અને તેના કારણો હેયરૂપે નક્કી થાય અને બાકીના સમસ્ત વિશ્વના પદાર્થો માત્ર શેયરૂપે નક્કી થાય.
J-૪૫
Jain Education International
For Private & Personal Use Only
www.jainelibrary.org
