________________
( જીવત-વિજ્ઞાન ) સદ્ગુરુ આત્મજ્ઞાની તો હોય જ. ઉપરાંત તેઓ ઘણુંખરું મહાજ્ઞાની, લોકોત્તર અને સંયમી મહાપુરુષ હોય છે. હૃદય પવિત્ર નથી એટલે પુરુષના ગુણોની ઓળખાણ થતી નથી; અને ઓળખાણ ન થવાથી આશ્રય થતો નથી. સાધકે સપુરુષનો નિશ્ચય અને આશ્રય બન્ને કરવા માટે, અવશ્ય
સત્પાત્રતા પ્રાપ્ત કરવી જોઈએ. - સત્પષનો “આશ્રય' કરવા માટે ચારિત્રગુણના વિકાસની
મુખ્યતા કહી છે; જયારે પુરુષના નિશ્ચયમાં જ્ઞાન અને શ્રદ્ધા ગુણના વિકાસની મુખ્યતા કહી છે. અનેક વિદ્યાઓના જેઓ જાણનાર છે, અધ્યાત્મવિદ્યાના જેઓ પારગામી છે, અનેક સદ્ગણોના જેઓ ભંડાર છે અને છતાં સર્વ જીવો અને ખાસ કરીને ધર્મપ્રેમી જીવોના જેઓ ‘દાસ’ છે તેવા અલૌકિક મહાપુરુષો, આપણા અજ્ઞાન-અંધકારને ટાળીને આપણને સમગ્ર જીવનના તેમજ અધ્યાત્મના સાચા પંથે પ્રયાણ કરાવો! તેમને ફરી ફરી નમસ્કાર હો!! સદ્ગુરુની ઓળખાણ, સદ્ગુરુનો બોધ અને સદ્ગુરુનું સાન્નિધ્ય - આ બધાં મુમુક્ષુના કલ્યાણ માટેનાં સર્વોત્તમ સાધનો છે; એમ જ્ઞાની પુરુષોએ પોતાના અનુભવથી કહ્યું છે. સંતો ભગવાનના સાચા સંદેશવાહક “ટપાલી છે. તેઓએ અહંનો નાશ કરી પ્રભુનું દાસત્વ અંગીકાર કર્યું છે, જેથી તેઓ સાચી પ્રભુતા પામ્યા છે. આ કારણથી શાસ્ત્રોમાં તેમને ભગવાનના લઘુનંદન કહ્યા છે. '
. - ૧૦
Jain Education International
For Private & Personal Use Only
www.jainelibrary.org
