________________
૭૨ [] સિદ્ધસેન શતક
વાદ-વિવાદમાં સામા પક્ષના મતનું ખંડન કરવા માટે પણ તે પક્ષના સિદ્ધાંતો જાણવા પડે છે. ભગવાન મહાવીરના ધર્મબોધ અને તત્ત્વનિરૂપણમાં બુદ્ધિ અને હૃદયને સ્પર્શે એવાં જ વિધાનો છે. શ્રી સિદ્ધસેનને આશા છે કે વિવિધ મતાનુયાયીઓ હરાવવાના ઈરાદે પણ જો ભગવાનના વચનોનું અવગાહન કરશે તો તેમનો ગર્વ ઉતરશે જ. એટલું જ નહિ, તેમનો સંશય પણ દૂર થશે.
સંશયનો અર્થ વિસ્તૃત છે. ડર, પૂર્વગ્રહ અને શંકા - આ બધું સંશયમાં સમાય છે. કયારેક એવું પણ બનતું હોય છે કે સામી વ્યક્તિનો આશય શો છે તે સ્પષ્ટ ન થાય ત્યાં સુધી તેની દેખીતી સાચી વાતમાં સંમતિ આપતાં આપણે અચકાતા હોઈએ છીએ. ભગવાનના વચનો “સર્વજનહિતાય” છે એ સમજાઈ જાય તો સ્વીકાર સરળ બને. શ્રી સિદ્ધસેનને ખાતરી છે કે ભગવાનના વચનોનો જરાક ઊંડેથી વિચાર કરનારનો સંશય ટળી જ જશે.
Jain Education International
For Private & Personal Use Only
www.jainelibrary.org
