Page Text
________________
सुत्तं ५२४] दसकालियसुत्तं ।
२५१ दुक्खं लभते दुल्लभो पमादबहुलत्तणे सति । भो ! इति तधेवाऽऽमंतणं । गिहाणि संति जेसिं ते गिहिणो तेसिं । दुग्गतिपतणधारणातो धम्मो दुल्लभी पुणबोधिरूवो । धम्मालाभे य दुक्खपरंपरा इति सुहनिमित्तं धम्मे रती करणीया।
दुलहो गिहीण धम्मो गिहत्थवासे पमादबहुलम्मि । मोतूण गिहेसु रतिं रतिपरमा होह धम्मम्मि ॥१॥हं॥ अयमवि गिहवासमझावसंताणं दोसो। तं जहा...
आयंके से वधाए होति । सूलादिको आसुकारी सरीरवाधात्रिसेसो आतंको । समाणजातीयवयणेण रोगो- 5 पादाणमवि, सो पुण कुट्ठादिको दीहो रुयाविसेसो। सो य गिहनासमझावसंताणं आहार-विसमज्वरादि-भारवहणायासा-ऽसीलणि सेव गातो । आयंके से वधाए होति । रोगा-ऽऽतंका य ऐहिकसुखाणुभवणविग्धभूता इति धम्मे रतेण भवितव्वं।
दुलभं गिहीण धम्मे सुहमातंकेहि विग्धितसमग्धे । तम्हा धम्मम्मि [रति] करेध विरता अहम्मातो ॥१॥
किञ्च-संकप्पे से वधाए होति। आतंको सारीरं दुक्खं, संकप्पो माणसं । तं च पियविप्पयोगा-510 णिसंवास-सोग-भय-विसादादिकमणेगहा संभवति ।
इटाण वि सण्णेज्झे सद्द-फरिस-रस-रूव-गंधाणं । का मणुयसुहम्मि रेती अरति-भय-विओयविरसम्मि ॥१॥ एवं च विसेसेण धम्मे रती करणीया, जतो
सोवकेसे गिहवासे । सह उवक्केसेहिं [ सोवक्केसे ] । उवक्केसा पुण-सी-उण्ह-भय-परिस्सम-किसि-पसुपालवाणिज-सेवादयो णेह-लवण-तंडुला-ऽऽच्छादणसमुप्पायणे वहवे परिकेसा इति सोवक्केसे गिहवासे । तमेवंगतं जाणिऊण : धम्मे रती करणीया ॥
वित्तिविधाणनिमित्तं सोवक्केसो जतो घरावासो । मोत्तूण घरावासं तम्हा धम्मे रत्तिं कुञा ॥१॥ॐ॥ ततो विरुद्धधम्मे य
णिरुवक्केसे परियाए । निग्गतो उवक्केसो जतो सो णिरुवक्केसो पुव्वभणितोवक्केसविरहिततया । सव्वतो आतो परियातो, समंतयो पुण्णागमणं । पव्वजासहस्सेव अवन्भंसो परियातो, तत्थ उवक्केसो ण संभवतीति 20 [धम्मे] रती करणीया ।
णिरुवक्केसायासो परियायो जं इहेव पञ्चक्खं । परियाते तेग रतिं करेह विरता अधम्माओ ॥१॥ले.॥ दुलभधम्मे य सदारंभपरे
बंधो गिहवासो। बंधणं बंधो । गिहेसु वासो गिहवासो । गिहं पुण दारभेव, दारभरण-पोसणनिमित्तमसुहकम्मपवत्तस्स कोसकारकीडगस्सेव कोसगेण अट्टविहमहाकम्मकोसेणं संभवति बंधी, अतो तेण बंधहेतुभूतातो 25 गिहवासातो विरतेण सदा धम्मे रती करणीया ।
घरचारगवंधातो कम्मट्टगबंधहेतुभूतातो । विरमह रतिं च धम्मे करह जिणवीरभणितम्मि ॥१॥ लैं१॥
परिचत्तसव्वारंभे य --मोक्खे परियाए । विमोत्ती मोक्खो । परियातो पुब्वभणितो। तम्मि परियाए सति अट्ठविधकम्मणिगलसंकलासु झाणपरसुप्पयोगविषयासु जीवस्स सतो भवति णिरवायो मोक्खो परियाए।
१ ह अष्टावित्यर्थः ॥ २ रती माण-भय' वृद्धः ॥ ३ ॐ नवेत्यर्थः ॥ ४ ल० दशेत्यर्थः ॥ ५ लु१ एकादशेत्यर्थः। ६ ध्यानपरशुपयोगविहताम्॥
Jain Education Intemational
For Private & Personal Use Only
For Private & Personal Use Only
www.jainelibrary.org
| SR No. | 001151 |
| Book Title | Agam 42 mool 03 Dashvaikalik Sutra |
| Original Sutra Author | Shayyambhavsuri |
| Author | Bhadrabahuswami, Agstisingh, Punyavijay |
| Publisher | Prakrit Granth Parishad |
| Publication Year | 2003 |
| Total Pages | 323 |
| Language | Prakrit, Sanskrit |
| Classification | Book_Devnagari, Agam, Canon, Ethics, & agam_dashvaikalik |
| File Size | 9 MB |