Agam 42 mool 03 Dashvaikalik Sutra

SR No.: 001151
Original Sutra Author: Shayyambhavsuri
Author: Bhadrabahuswami, Agstisingh, Punyavijay
Publisher: Prakrit Granth Parishad
Publication Year: 2003
Total Pages: 323
Language: Prakrit, Sanskrit
Classification: Book_Devnagari, Agam, Canon, Ethics, & agam_dashvaikalik
File Size: 9 MB

Page 123

णिज्जुत्ति-चुण्णिसंजुयं
[चउत्थं छज्जीवणियज्झयणं
७६. जदा सव्वत्तगं णाणं दंसणं चाभिगेच्छति ।
___ तदा लोगमलोगं च जिणो जाणति केवली ॥ ४५ ॥ ७६. जदा स० सिलोगो। पुव्वद्धं भणितं । तदा लोगमलोगं तस्सायं विसतो लोगा-ऽलोगविण्णाणं ॥४५॥ सो विदियलोगा-ऽलोगो किमारभते ? भण्णति
७७. जता लोगमलोगं चे जिणो जाणति केवली ।
___ तदा जोगे निलंभित्ता सेलेसिं पडिवज्जति ॥ ४६ ॥ ७७. जता लो. सिलोगो । पुव्वद्धं भणितं । तदा जोगे निलंभित्ता भवधारणिज्जकम्मविसारणत्थं सीलस्स ईसति-वसयति सेलेसिं०॥४६ ॥ तदणंतरं
७८. जदा जोगे निरुभित्ता सेलेसिं पडिवजति ।
__ तदा कम्मं खवित्ताणं सिद्धिं गच्छति णीरतो ॥ ४७ ॥ ७८. जदा जोगे० सिलोगो । ततो सेलेसिप्पभावेण तदा कम्मं भवधारणिजं कम्मं सेसं खवित्ताणं सिद्धिं गच्छति णीरतो निकम्ममलो ॥ ४७ ॥ तदणंतरमिदमस्स संभवति
७९. जदा कम्मं खवित्ताणं सिद्धिं गच्छति णीरतो ।
तता लोगमत्थगत्थो सिद्धो भवति सासतो ॥ ४८ ॥ 15 ७९. जदा कम्म० सिलोगो । पुव्वद्धमुक्तं । पच्छद्धं । शान्तानलवदेतस्याणियत्तणत्थं पच्छद्धं । तता लोगमत्थगे लोगसिरसि ठितो सिद्धो कतत्थो [सासतो] सव्वकालं तहा भवति ॥४८॥
छट्ठो अधिकारो धम्मफलं भणितं । जीवा-ऽजीवपरिणाणमुत्तरुत्तरफललाभेण गाधिमोक्खपज्जवसाणमुवदिटुं। तं किं नियमेण संभवति ? अह कोति विसेसो अस्थि ? ति भण्णति-परिणाणेण वि अपमादनिमित्तं
८०. सुहसीलगस्स समणस्स साताकुलगस्स निकामसाइस्स ।
उच्छोलणार्पहोतिस्स दुलभा सुग्गती तारिसगस्स ॥ ४९ ॥ ८०. सुहसील० सुत्तं । सुहं-प्रतीतं तं सीलेति-अणुढेति सुहसीले । केति पढंति "सुहसातगस्स" तदा सुखं स्वादयति-चक्खति । समणस्सेति साहिक्खेवमिदं । साताकुलगस्स तेणेव सुहेण आउलस्स, आउलो-अणेक्कग्गो । जदा सुहसीलगस्स तदा साताकुलएण विसेसो-एगो सुहं कयाति अणुसीलेति, साताकुलो पुण सदा तदभिज्झाणो। निकामसाइस्स अँपच्छण्णे मउए सुइतुं सीलमस्स निकामसाती । उच्छोलणापहोती पभूतेण अजयणाए धोवति । एवंगुणस्स दुलभा सुग्गती ॥ ४९ ॥ केरिसस्स पुण सुलभा ? भण्णति
८१. तवोगुणपहाणस्स उज्जुमति-खंति-संजमरतस्स ।
परीसहे जिणंतस्स सुलभिता सोग्गैति तारिसगस्स ॥ ५० ॥
90
१सब्वत्थगं वृद्ध०॥ २ गच्छइ खं १-३-४ । गच्छई खं २ जे० शु०॥ ३-४ च दो वि एते वियाणइ वृद्ध०॥ ५सुहसायगस्स खं १-२-३-४ जे० शु० वृद्ध० हाटी० अचूपा०॥ ६सायाउलग अचू० विना ॥ ७°सायस्स वृद्ध०॥ ८°पहोविस्स खं १-३ वृद्ध० हाटी०। पहोयस्स खं ४ ॥९ सोगइ २-३ जे० । सोग्गइ खं १-४ शु० ॥१० सुयछिण्णे मूलादर्श ॥ ११ सुलभा सो खं १-३ जे० वृद्ध । सुलहा सो खं १-४ शु०॥ १२ सोगह खं २-३ जे०॥