________________
केवलणाण-दसणोवओगवायत्थलं ]
सिरिदेववायगविरइयं गंदीमुत्तं ।
२९
जहा छउमत्थस्स मति-सुता-ऽवधिणाणेसु अंतमुहुत्तकालोवयोगसंभवे उवयोगा-ऽणुवयोगेण य छावहिसागरा से ठितिकालो दिट्ठो, तहा जति जिणस्स णाण-दंसणा सादिअपज्जवसाणा उवयोगा-ऽणुवयोगेण भवंति तो को दोसो ? । जति एतं ते णाणुमतं तो इमं ते कहं अणुमतं भविस्सइ ?
अह ण वि एतं तो सुण, जहेव खीणंतराइओ अरहा। संते वि अंतरायक्वयम्मि पंचप्पगारम्मि ॥ ७॥ सततं ण देइ [जे०१९८ द्वि० ] लभइ व भुंजइ उवभुंजई य सव्वण्णू ।
कज़म्मि देइ लभइ व भुंजइ व तहेव इहयं पि ॥ ८॥ किंच
दितस्स लभंतस्स व भुंजंतस्स व जिणस्स एस गुणो । खीणंतराइयत्ते जं से विग्धं ण संभवति ॥१॥ उवउत्तस्से मेव य णाणम्मि व दंसणम्मि व जिणस्स ।
खीणावरणगुणोऽयं, जं कसिणं मुणइ पासति वा ॥ १० ॥ [ विशेषण. गा. २०३-६ ] पुणो पर आह
पासंतो वि न जाणइ, जाणं व ण पासती जति जिगिंदो ।
एवं ण कदाइ वि सो सव्वण्णू सव्वदरिसी य ॥११॥ उत्तरं आचार्य आह
जुगवमजाणतो वि हु चतुहिं वि नाणेहिं जह चतुग्णाणी ।
भण्णइ, तहेव अरहा सव्वण्णू सव्वदरिसी य ॥ १२ ॥ पर एवाऽऽह
तुल्ले उभयावरणक्खयम्मि पुव्वयरमुब्भवो कस्स।
दुविधुवयोगाभावे जिणस्स जुगवं? ति चोदेति ॥ १३ ॥ उत्तरं आचार्य आह
भण्णति, ण एस नियमो जुगवुप्पण्णेसु जुगवमेवेह । होयव्वं उवओगेण, एत्थ सुण ताव दिटुंतं ॥ १४ ॥ जह जुगवुप्पत्तीय वि सुत्ते सम्मत्त-मति-सुतादीणं । णत्थि जुगवोवयोगो सब्चेसु तहेव केवलिणो ॥ १५ ॥
किंच
भणितं पि य पण्णत्ती- पण्णवगादीसु जह जिणो समयं ।
जं जाणती ण पासति तं अणुरतणप्पभादीणि ॥ १६ ॥ [ विशेषण. गा. २१५-२० ] १ पुर्व समुभवो आ० दा० ॥
Jain Education International
For Private & Personal Use Only
www.jainelibrary.org
