________________
३७६
समवायंगसुत्ते सत्तावीसट्ठाणं।
[सू० २६..२७. २७. [१] सत्तावीसं अणगारगुणा पण्णता, तंजहा-पाणातिवातवेरमणे, एवं पंच वि। सोतिंदियनिग्गहे जाव फासिंदियनिग्गहे। कोधविवेगे जाव
लोभविवेगे। भावसच्चे, करणसच्चे, जोगसच्चे, खमा, विरागता, मणसमाहरणता, ५ वतिसमाहरणता, कायसमाहरणता, गाणसंपण्णया, दंसणसंपण्णया, चरित्तसंपण्णया, वेयणअधियासणता, मारणंतियअहियासणया।
जंबुद्दीवे दीवे अभिइवजेहिं सत्तावीसाए णक्खत्तेहिं संववहारे वट्टति । एगमेगे णं णक्खत्तमासे सत्तावीसं रातिदियाइं रातिंदियग्गेणं पण्णत्ते ।
सोहम्मीसाणेसु कप्पेसु विमाणपुढवी सत्तावीसं जोयणसताई बाहलेणं १० पण्णता।
वेयगसम्मत्तबंधोवरयस्स ण मोहणिजस्स कम्मस्स सत्तावीसं उत्तरपगडीओ संतकम्मंसा पण्णत्ता।
सावणसुद्धसत्तमीए णं सूरिए सत्तावीसंगुलियं पोरिसिच्छायं णिवत्तइत्ता णं दिवसखेत्तं "निवड्ढेमाणे रयणिखेत्तं अभिणिवड्ढेमाणे चारं चरति ।
[३] इमीसे णं रयणप्पभाए पुढवीए अत्थेगतियाणं नेरइयाणं सत्तावीसं पलिओवमाइं ठिती पण्णत्ता ।
__ अहेसत्तमाए पुढवीए अत्थेगतियाणं नेरइयाणं सत्तावीसं सागरोक्माई ठिती पण्णत्ता।
असुरकुमाराणं देवाणं अत्थेगतियाणं सत्तावीसं पलिओवमाई ठिती पण्णत्ता। २० सोहम्मीसाणेसु कप्पेसु अत्थेगतियाणं देवाणं सत्तावीसं पलिओवमाई
ठिती पण्णत्ता।
१. पाणाइवायाओ बेरमणं मुसावायामो वेरमणं अदिनादागाओ वेरमणं मेहुणाभो वेरमणं परिग्गहामो वेरमणं सोइंदियनिग्गहे चक्खिदियनिग्गहे पाणिदियनिग्गहे जिभिदियनिग्गहे फासिंदियनिग्गहे कोहविवेगे माणविवेगे मायाविवेगे लोभविवेगे मु०॥ २. °समन्नाह अटीपा०। “मनोवाकायानां समाहरणता, पाठान्तरतः समन्वाहरणता अकुशलानां निरोधात्रयः" -अटी० ॥ ३. सत्तावीसाहिं राइंदियाहिं राइंदियग्गेणं मु० ॥ ४. णं नास्ति जे०। ५. तुला -पृ० ३६६ पं० ३ टि. ४, पृ. ३७५ ५० ६, पृ० ३७७ पं० १८॥ ६. °सत्तमीसु णं मु० ॥ ७. नियमाणे मु०। ८. अभिनिव्वड्ढेमाणे खं० । अभिनिवहमाणे मु० ॥
Jain Education International
For Private & Personal Use Only
www.jainelibrary.org
