________________
३७५
२६]
समवायंगसुत्ते छब्बीसट्टाणं। .. [४] संतेगतिया भवसिद्धिया जीवा जे पणुवीसाए [भवग्गहणेहिं सिज्झिस्संति] जाव अंतं करेस्संति ।
.२६.
२६. [१] छन्वीसं दस-कप्प-ववहाराणं उद्देसणकाला पण्णत्ता, तंजहा- . दस दसाणं, छ कप्पस्स, दस ववहारस्स ।
अभवसिद्धियाणं जीवाणं मोहणिजस्स कम्मस्स छव्वीसं कम्मंसा संतकम्मा पण्णता, तंजहा–मिच्छत्तमोहणिजं, सोलस कसाया, इत्थीवेदे, पुरिसवेदे, नपुंसकवेदे, हासं, अरति, रति, भयं, सोगो, दुगुंछा।
[२] इमीसे णं रयणप्पभाए पुढवीए अत्थेगतियाणं नेरइयाणं छव्वीसं पलिओवमाई ठिती पण्णत्ता।
अहेसत्तमाए पुढवीए अत्थेगतियाणं नेरइयाणं छब्बीसं सागरोवमाइं ठिती पण्णत्ता।
असुरकुमाराणं देवाणं अत्थेगतियाणं छन्वीसं पलिओवमाइं ठिती पण्णत्ता । सोहम्मीसाणेसु कप्पेसु अत्थेगतियाणं देवाणं छन्वीसं पलिओवमाई ठिती
पण्णत्ता।
मज्झिममज्झिमगेवेजयाणं देवाणं जहण्णेणं छव्वीसं सागरोवमाई ठिती पण्णत्ता।
[३] जे देवा मैज्झिमहेट्ठिमगेवेज्जयविमाणेसु देवत्ताते उववण्णा तेसि णं देवाणं उक्कोसेणं छव्वीसं सागरोवमाइं ठिती पण्णत्ता। ते णं देवा छव्वीसाए अद्धमासेहिं आणमंति वा पाणमंति वा ऊससंति वा नीससंति वा। [तेसि णं २० । देवाणं छव्वीसाए वाससहस्सेहिं आहारट्टे समुप्पज्जति ।
[४] संतेगतिया भवसिद्धिया जीवा जे छव्वीसाए भवग्गहणेहिं सिज्झिस्संति] जाव अंतं करेस्संति ।।
१. तुला-पृ० ३६६ पं० ३ टि० ४, पृ० ३७६ पं० ११, पृ० ३७७ पं० १८ ॥ २,३. मज्झिमगेवे खं०॥
Jain Education International
For Private & Personal Use Only
www.jainelibrary.org
