________________
महापच्चसापइनयं कप्पतरुसंभवेसू देवुत्तरकुरवसंपसूएसु । उववाए ण य तित्तो, न य नर-विज्जाहर-सुरेसु ॥ ६०॥ . खइएण व पीएण व न य एसो ताइओ हवइ अप्पा । जइ दुग्गइन वच्चइ तो नूणं ताइओ होई ॥ ६१ ॥ देविंद-चक्कवट्टित्तणाई रज्जाइ उत्तमा भोगा। पत्ता अणंतखुत्तो न य हं तित्ति गओ तेहिं ।। ६२ ॥ खीरदगुच्छुरसेसु साऊसु महोदहीसु बहुसो वि । उववण्णो ण य तण्हा छिन्ना मे सीयलजलेणं ॥ ६३ ॥ तिविहेण य सुहमउलं तम्हा कामरइविसयसोक्खाणं । बहुसो सुहमणुभूयं न य सुहतण्हा परिच्छिण्णा ॥ ६४ ॥ जा काइ पत्थणाओ कया मए राग-दोसवसएणं । पडिबंधेण बहुविहं तं निदे तं च गरिहामि ॥ ६५ ॥ हंतूण मोहजालं छेत्तूण य अट्ठकम्मसंकलियं । जम्मण-मरणरहट्ट भेत्तूण ४भवाओ मुच्चिहिसि ॥ ६६ ।। पंच य महव्वयाईतिविहं तिविहेण आरहेऊणं । मण-वयण-कायगुत्तो सज्जो मरणं पडिच्छिज्जा ।। ६७ ।।
(पंचमहन्वयरक्खापरूवणा) कोहं माणं मायं लोहं पिज्जं तहेय दोसं च । चइऊण अप्पमत्तो रक्खामि महव्वए पंच ॥ ६८॥ कलहं अब्भक्खाणं पेसुण्णं पि य परस्स परिवायं । परिवज्जतो गुत्तो रक्खामि महाव्वए पंच ॥ ६९ ॥ पंचेंदियसंवरणं पंचव निरुभिऊण कामगुणे । "अच्चासातणभीओ रक्खामि महत्वए पंच ॥ ७० ॥
१.° भवेसु देवुत्तरकुरुवंसपसू पु० सा० । २. तो मरणे ता पु० सा । ३. °दगेच्छु सा० । ४. °वा विमु सा० । ५. °सायण° सं० विना ।
Jain Education International
For Private & Personal Use Only
www.jainelibrary.org
