________________
स्तुतिः ।]
ऐन्द्रस्तुतिचतुर्विंशतिका ।
"
कालीति ॥ कालीनाम्नी देवी 'असरसभावाभावाय' विरसभावापनयनाय 'काली' सुखालीः 'तनुतात्' कुरुतात् न च 'एवं वैरस्यापनयनकामनया सुखस्य काम्यत्वात् तस्य निरुपाघिककामनाविषयत्वभङ्गः' इति शङ्कनीयम्, सुखहेतुविषयोपनिपातस्यैवात्र काम्यत्वात्, मुख्यसुखस्य तथात्वाविरोधात् । काली कीदृशी ? नयनयोः - लोचनयोः सुखदा - सातदायिनी । पुनः किं० ? असुखं दुःखं द्यति - खण्डयति या सा । पुनः किं० ? महिभिः - उत्सविभिर्महिता -पूजिता चासौ नुतास्तुता च महिभिर्महिताः तैः नुतेति वा, महिमहिताभ्यां - महत्त्वप्रथाभ्यां तद्गुणपुरुषाकारः (?) नुता, प्राणिभिरिति गम्यत इति वा । पुनः किं० ? इतः प्राप्तोऽदितः - अखण्डितः अमानः- अपरिमितो यो मान:- अहङ्कारः पूजा वा तत्र या रुचि:- अभिलाषः तया कृत्व 'रुच्या' मनोज्ञा, अथवा इता - प्राप्ता अदिता - अखण्डिता अमानाअपरिमिता या मा-लक्ष्मीर्यया सा पुनः किं० ? 'रुच्या' कान्त्या 'न अरुच्या' नाऽमनोज्ञेति व्याख्येयम् ॥ ४ ॥
॥ इति श्रीसुमतिजिनस्तुतिविवरणम् ॥ ५ ॥ पद्मप्रभेश ! तव यस्य रुचिर्मते सद्विश्वासमानसदयापर ! भावि तस्य । नोच्चैः पदं किमु पचेलिम पुण्यसम्पद्, विश्वासमान ! सदयाsपर ! भावितस्य ॥ १ ॥
१ “असरसभावस्य - दौर्जन्यस्य अभावाय - अपनयनाय” इत्यवचूरिः ॥
Jain Education International
For Private & Personal Use Only
www.jainelibrary.org
