________________
પંચ પ્રતિક્રમણસૂત્રો
ચંદનબાળા :- [તેજ તેજના ભંડારશા તપસ્વીને કાંઈ પણ લીધા વિના પાછા જતા જોઈ, રડી પડે છે.] ઓ ! મહાત્મન્ ! પધારો ! પાછા વળો ! મારા ભાગ્યે અવસરે આવેલા પાછા ન જાઓ. હાય ! મારું કેવું કમભાગ્ય ! ચિંતામણિ રત્નનો લાભ ન લઈ શકી ! [ચોધાર આંસુથી રડે છે.] ઓ મહાત્મન્ !
તપસ્વી મહાત્મા :- [પાછા વળી પાસે આવી હાથ પસારે છે.]
૩૮૧
ચંદના :- [પેલા બાકળા વહોરાવે છે.] [દેવદુંદુભિનો નાદ થયો, આકાશમાંથી પાંચ દિવ્યની સાડાબાર કરોડ સોનૈયા સાથે વૃષ્ટિ થઈ. ચંદનાની બેડીઓ ઘડાઘડ તૂટી ગઈ હતી તેવી માથા ઉપર વેણી પથરાઈ ગઈ.]
તપસ્વી :- [તપશ્ચર્યાનું પારણું કરી ચાલ્યા જાય છે.]
રાજા શતાનિક :- [સપરિવાર આવીને] શું બહેન ! પરમાત્મા મહાવીર વર્ધમાન સ્વામીને પારણું તમે કરાવ્યું ? ધન્ય બહેન ! ધન્ય ! [મંત્રીને] આ ધન આ બહેનનું જ સમજવાનું છે. તેમાંથી કોઈને એક કોડી પણ લેવા દેવાની નથી.
મૃગાવતી :- બહેન નંદા !! મેં, તમે તથા શહેરના તમામ સંભવિત નાગરિકોએ વહોરાવવાના ઘણા
પ્રયત્નો કર્યા, પરંતુ પ્રભુએ આજ સુધી કાંઈ પણ વહોર્યું નહીં. આજે છ માસમાં પાંચ દિવસ જ ઓછા છે. પ્રભુનું શરીર કૃશ થયું હતું. પરંતુ બહેન ચંદના ! તું ખરેખરી મહાભાગ્યવતી !
નંદા :- હા ! મહારાણી. રાજમંત્રી સુમિત્ર જેવા બુદ્ધિશાળી પણ પ્રભુનો અભિગ્રહ સમજી શકયા જ નહોતા. પ્રભુના પારણાની અમો રોજ ચિંતા કરતા હતા.
મૃગાવતી :- બહેન ચંદના ! તારાં માતાપિતાનાં નામ તો કહે.
ચંદના :- ચંપાના દધિવાહન પિતા અને ચેટક રાજપુત્રી ધારિણી મારી માતા થાય.
મૃગાવતી :- અહો ! બહેન ! તું તો મારી ભાણેજ થાય. ધારિણી મારી સગી બહેન ! તારી આ દશા કેમ થઈ ? બહેન !
ચંદના :- માશીબા ! એ વાત ન પૂછો. જે થયું તે થયું.
શેઠ :- [આવીને આ બધું જોઈ આભા બનીને આંસુ સાથે] બેટા ! ચંદના ! તારી માતાએ તને બહુ દુ:ખ આપ્યું.
ચંદના :- પિતાજી ! આમ ખેદ ન કરો. મારી માતા મૂળાના પ્રતાપે જ મારે સૌ સારા વાના થયા. ખરેખર, તે મારા મહાન્ ઉપકારી છે. મારા મનોરથોની જે સફ્ળતા કોઈથી નથી કરી શકાઈ, તે મારી માતા મૂળાથી થઈ છે. આપ તેને કાંઈ પણ ન કહેશો.
મૂળા :- [આવીને] બેટા ! ચંદના ! માફ કર, મેં તારો બહુ અપરાધ કર્યો !
Jain Education International
For Private & Personal Use Only
www.jainelibrary.org
