________________
पञ्चसूत्रके द्वितीयं साधुधर्मपरिभावनासूत्रम् । मुहपवत्तगे सिया, परमसुहसाहगे सिया। अओ अप्पडिबंधमेयं असुहभावनिरोहेणं सुहभावबीयं ति सुप्पणिहाणं सम्मं पढियव् सोयव्वं अणुप्पेहियव्वं ति ।
[१५] नमो नमियनमियाणं परमगुरुवीयरागाणं । नमो सेसनमोकारारिहाणं । जयउ सव्वण्णु सासणं । परमसंबोहीए सुहिणो भवंतु जीवा, सुहिणो भवंतु जीवा, मुहिणो भवंतु जीवा इति पावपडिघायगुणबीजाहाणसुत्तं समत्तं ॥१
- [अथ द्वितीयं साधुधर्मपरिभावनासूत्रम् ] [१६] जायाए धम्मगुणपडिवत्तिसद्धाए, भावेज्जा एएसिं सरूवं पयइसुंदरत्त, आणुगामित्तं, परोक्यारित्तं, परमत्थहेउत्तं । तहा दुरणुचरत्तं, भंगदारुणतं, महामोहजणगतं, भूयो दुल्लहत्तं ति । भावेऊणवं जहासत्तीए उचियविहाणमेव अच्चंतभावसारं पडिवज्जेज्जा, तंज हा-थूलगपाणाइवायविरमणं १, थूलगमुसावायविरमणं २, थूलगअदत्तादानविरमणं ३, थूलगमेहुणविरमणं ४, थूलगपरिग्गहविरमण ५ मिच्चाइ।
[१७] पडिवज्जिऊण पालणे जइज्जा, सयाऽऽणागाहगे सिया, सयाऽऽणाभावगे सिया, सयाऽऽणापरतंते सिया । आणा हि मोहविसपरममंतो, जलं दोसाइजलणस्स, कम्मवाहिचिगिच्छासत्थं, कप्पपायवो सिवफलस्स ।
[१८] वज्जेज्जा अधम्ममित्तजोगं । चिंतेज्जा अभिणवपाविए गुणे, अणाइभवसंगए य अगुणे, उदग्गसहकारितं अधम्ममित्ताणं, उभयलोगगरहियत्तं, असुहजोगपरंपरं च ।
[१९] परिहरेज्जा सम्मं लोगविरुद्ध अणुकंपापरे जणाणं, न खिसावेज्ज धम्म, संकिलेसो खु एसा, परमबोहिबीयं अबोहिफलमप्पणो ति। एवमालोचेज्जा न-खलु एत्तो परो अणत्थो, अधत्तमेयं संसाराडवीए, जणगमणिवायाणं, अइदारुणं सरूवेणं असुहाणुबंधमच्चत्थं ।
[२०] सेवेज्ज धम्ममित्ते विहाणेणं, अंधो विय अणुकड्ढगे, वाहिओ विव वेज्जे, दरिदो विय ईसरे, भीओ विय महानायगे। न इओ सुंदरतरमन्नं ति बहुमाणजुत्ते सिया, आणाकंखी, आणापडिच्छगे, आणाअविराहगे, आणानि'फायगे त्ति ।
[२१] पडिवनधम्मगुणारिहं च वट्टिना गिहिसमुचिएसु गिहिसमायारेसु परिसुद्धाणुहाणे परिसुद्धमणकिरिए परिसुद्धवइकिरिए परिसुद्धकायकिरिए।
[२२] वज्जेज्जाऽणेगोवघायकारंग गरहणिज्ज बहुकिलेसं आयइविराहगं समारंभ । न चिंतेज्ज परपीडं । न भावेज्ज दीणयं । न गच्छेज्ज हरिसं । न सेवेज्ज वितहाभिणिवेसं ।
Jain Education International
For Private & Personal Use Only
www.jainelibrary.org
