________________
पञ्चसूत्रके प्रथम पापप्रतिघातगुणबीजाधानसूत्रम् । ज्जेसु पूयणिज्जेसु, तहा माईसु वा, पिईसु वा, बंधूसु वा, मित्तेसु वा, उवयारीसुवा, ओहेण वा जीवेसु, मग्गट्ठिएसु, अमग्गट्ठिएमु, मग्गसाहणेसु, अमग्गसाहणेसु, जं किंचि वितहमायरियं अणायरियव्वं अणिच्छियव्वं पावं पावाणुबंधि सुहमं वा बायरं वा मणेण वा वायाए वा कारण वा कयं वा कारियं वा अणुमोइयं वा रागेण वा दोसेण वा मोहेण वा, एत्थ वा जम्मे जम्मंतरेसु वा, गरहियमेयं दुक्कडमेयं उज्झियव्वमेयं, वियाणियं मए कल्लाणमित्तगुरुभयवंतवयणाओ, एवमेयं ति रोइयं सद्धाए, अरहंत-सिद्धसमक्खं गरहामि अहमिणं 'दुक्कडमेयं उज्झियव्वमेय' । एत्थ मिच्छामि दुकडं, मिच्छामि दुक्कडं, मिच्छामि दुक्कडं ।
[९] होउ मे एसा सम्म गरहा । होउ मे अकरणनियमो । बहुमयं ममेयं ति इच्छामि अणुसटिं अरहंताणं भगवंताणं गुरूणं कल्लाणमित्ताणं ति । होउ मे एएहिं संजोगो । होउ मे एसा सुपत्थणा । होउ मे एत्थ बहुमाणो । होउ मे इओ मोक्खबीयं ।
[१०] पत्तेसु एएमु अहं सेवारिहे सिया, आणारिहे सिया, पडिवत्तिजुत्ते सिया, निरइयारपारगे सिया।
[११] संविग्गो जहासत्तीए सेवेमि सुकडं । अणुमोएमि सम्वेसिं अरहंताणं अणुढाणं, सव्वेसि सिद्धाणं सिद्धभावं, सव्वेसि आयरियाणं आयारं, सव्वेसिं उवज्झायाणं सुत्तप्पयाणं, सव्वेसिं साहणं साहुकिरियं, सव्वेसिं सावगाणं मोक्खसाहणजोगे, एवं संवेसि देवाणं सव्वेसिं जीवाणं होउकामाणं कल्लाणासयाणं मग्गसाहणजोगे।
[१२] होउ मे एसा अणुमोयणा सम्मं विहिपुबिगा, सम्मं सुद्धासया, सम्म पडिवत्तिरूवा, सम्म निरइयारा, परमगुणजुत्तअरहंतादिसामत्थओ । अचिंतसत्तिजुत्ता हि ते भगवंतो वीयरागा सव्वण्णू परमकल्लाणा परमकल्लाणहेऊ. सत्ताणं । मूढे अम्हि पावे अणाइमोहवासिए, अणभिण्णे भावओ हिया हियाणं अभिण्णे सिया, अहियनिवित्ते सिया, हियपवित्ते सिया, आराहगे सिया, उचियपडिवत्तीए सबसत्ताणं, सहियं ति इच्छामि सुक्कडं, इच्छामि सुपडं, इच्छामि सुक्कडं।
[१३] एवमेयं सम्मं पढमाणस्स सुणमाणस्स अणुप्पेहमाणस्स सिढिलीभवंति परिहायति खिज्जंति असुहकम्माणुबंधा । निरणुबंधे वाऽसुहकम्मे भग्गसामत्थे सुहपरिणामेणं कडगबद्ध विय विसे अप्पफले सिया, सुहावणिज्जे सिया, अपुणभावे सिया ।
[१४] तहा आसगलिज्जंति परिपोसिज्जंति निम्मविज्जति सुहकम्माणुबंधा । साणुबंधं च सुहकम्म पगिहें पगिट्ठभावज्जियं नियमफलयं सुप्पउत्ते विय महागए सुहफले सिया,
Jain Education International
For Private & Personal Use Only
www.jainelibrary.org
