________________
पञ्चसूत्रके द्वितीयं साधुधर्मपरिभावनासूत्रम् । उचियमणपवत्तगे सिया। एवं न भासेज्ज अलियं, न फरुसं, न पेसुन्न, नाणिबद्ध । हिय-मियभासगे सिया। एवं न हिंसेज्ज भूयाणि । न गिण्हेज्ज अदत्तं । न निरिक्खेज्ज परदारं । न कुज्जा अणत्थदंडं । सुहकायजोगे सिया।
[२३] तहा लाभोचियदाणे लाभोचियभोगे लाभोचियपरिवारे लाभोचियनिहिकरे सिया, असंतावगे परिवारस्स, गुणकरे जहासत्ति, अणुकंपापरे, निम्ममे भावेणं । एवं खु तप्पालणे वि धम्मो जहऽन्नपालणे त्ति । सव्वे जीवा पुढो पुढो, ममत्तं बंधकारणं ।
[२४] तहा तेसु तेसु समायारेसु सइसमन्नागए सिया, अमुगे अहं, अमुगकुले, अमुगसीसे, अमुगधम्मट्ठाणहिए, न मे तचिराहणा, न मे तदारंभो, बुडूढी ममेयस्स, एयमेत्थ सारं, एयमायभूयं, एयं हियं । असारमन्नं सव्वं विसेसओ अविहिगहणेणं विवागदारुणं च . त्ति । एवमाह तिलोगबंधू परमकारुणिगे सम्म संबुद्धे भगवं अरहंते ति । एवं समालोचिय तदविरुद्धेसु समायारेसु सम्म बट्टेज्जा। भावमंगलमेयं तनिष्फत्तीए। - [२५] तहा जागरिज्न धम्मजागरियाए - को मम कालो, किमेयस्म उचियं । असारा विसया नियमगामिणो विरसावसाणा। भीसणो मच्चू, सवाभावकारी, अविन्नायागमणो, अणिवारणिज्जो, पुणो पुणोऽणुबंधी । धम्मो एयस्स ओसहं एगंतविसुद्धो महापुरिससेविओ सबहियकारी निरइयारो परमाणंदहेऊ।
[२६] नमो इमस्स धम्मस्स । नमो एयधम्मपयासयाणं । नमो एयधम्मपालयाणं । नमो एयधम्मपरूवयाणं । नमो एयधम्मपवनगाणं । इच्छामि अहमिण धम्म पडिवज्जित्तए सम्म मण-वयण-कायजोगेहिं । होउ ममेयं कल्लाणं परमकल्लाणाणं जिणाणमणुभावओ। मुप्पणिहाणमेवं चिंतेज्जा पुणो पुणो । एयधम्मजुत्ताणं अवसायकारी सिया । पहाणं मोहच्छेयणमेयं । एवं विमुज्झमाणे विसुज्झमाणे भावणाए कम्मापगमेणं उवेइ एयस्स जोग्गयं । तहा संसारविरत्ते संविग्गे भवइ अममे अपरोधयावी विसुद्धे विसुज्झमाणभावे त्ति साहुधम्मपरिभावणामुत्तं समत्तं ॥२॥
[अथ तृतीयं प्रव्रज्याग्रहणविधिसूत्रम् ] [२७] परिभाविए साहुधम्मे, जहोदियगुणे जएज्जा सम्ममेयं पडिवज्जित्तए अपरोवतावं । परोवतावो हि तप्पडिवत्तिविग्यो । अणुपाओ खु एसो। न खलु अकुसला. भओ हियं । अप्पडिबुद्धे कहिंचि पडिवोहेज्जा अम्मापियरे । उभयलोगसफलं जीवियं, सप्रदायकडा कम्मा समुदायफल त्ति । एवं सुदीहो अविओगो । अण्णहा एगरुक्खनिवासि
Jain Education International
For Private & Personal Use Only
www.jainelibrary.org
