Dvadasharam Naychakram Part 1 Tika

SR No.: 001108
Original Sutra Author: Mallavadi Kshamashraman
Author: Sighsuri, Jambuvijay
Publisher: Atmanand Jain Sabha
Publication Year: 1966
Total Pages: 662
Language: Sanskrit
Classification: Book_Devnagari, Nay, & Nyay
File Size: 19 MB

Page 30

प्राकथनम्
एत्थंतरम्मि य मुक्का गयणस्थाहि मल्लवाइस्सोपरि सासणदेवयाहिं कुसुमवुट्ठी । साहिओ य रायाईणं जहावटिउ(ओ) बुद्धाणंदवुत्तंतो। तो तेउ(त) च नाउं 'पराजियं' ति नीसारीउकामो वि बुद्धदरिसण राया निवारिओ मलवाइणा । तओ रना अ(आ )णाविओ जिणाणंदप्पमुहो संघो भरुयच्छे, पवेसिओ महाविभूईए । वक्खाणिओ य मल्लवाइणा विहिपुव्वणे(यं) नयचक्कगथो। एवं च तित्थपभावगो विहरिउं मल्लवाई गओ देवलोयं ति । मल्लवाई त्ति गयं । जो उण मल्लवाई व पुव्वगयावगाही खमापहाणो समणो सो खमासमणो णाम, जहा आसी इह संपयं देवलोयगओ जिणभद्दि(द)गणिखमासमणो विरइआइंच तेण विसेसावस्सय-विसेसणवईसत्थाणि; जेसु केवलनागदंसणवियारावसरे पयडियाभिप्पाओ सिद्धसेणदिवायरो।"-पृ० २९८-२९९.
विक्रमीयद्वादशशताब्द्याः पूर्वार्धे विद्यमानैर्नेमिचन्द्रसूरिभिर्विरचितस्य आख्यानमणिकोशस्य " मोक्खसुहबीयभूयं सत्तीए पवयणुन्नई कुज्जा । विण्हुमुणि-वइर-सिरिसिद्ध-मल्ल-समियऽज्जखउडव्व ॥ २३ ॥" इति गायाया आम्रदेवसूरिभिः विक्रमसंवत् ११९० वर्षे निष्पादितायां टीकायामपि मल्लवादिनः कथेत्थमुपलभ्यते" इदानीं मल्लवाद्याख्यानकं कथ्यते
सरसप्पवालकलिए अमियावासे महाअरन्ने व । रयणायरे व्व भरुयच्छपट्टणे निवसए सूरी ॥ १॥ नामेग जिणाणंदो बुद्धाणंदाभिहाणभिक्खू वि । निवपज्जतो वाओ परोप्परं तेहिं पारद्धो ॥२॥ जो हारइ सो नियमा नयर परिहरइ विरइया तेहिं । दोहिं वि इमा पइण्णा संजाए तयणु वायम्मि ॥३॥ भवियव्वयावसेणं विणिज्जिओ भिक्खुणा मुणिवरिंदो। नीहरि उण ससंघो समागओ वलहिनयरीए ॥ ४ ॥ पवइया सूरिसमा दुलहएवी समं तिहिं सुएहिं । अजियजस-जक्ख-मल्लाभिहेहिं [सुवि] युद्धबुद्धीहिं ॥५॥ समहिज्जियसुत्तत्था तिन्नि वि जाया विसेसओ मल्लो । मोत्तूणं पुव्वगयं तह नयचकं समग्गंपि ॥६॥ बारसअरयपमाणं रइयं पुवाओ तं समुद्धरियं । अरयाणं पत्तेयं पारंभे तह य पज्जते ॥ ७ ॥ कीरइ जिणाण पूया महापयत्तेण इयरहा विग्छ । संजायइ वक्खाणे पढणमि य सयलसंघस्स ॥ ८॥ सूरीहिं तीए अज्जाए अप्पिओ पोत्थयाण भंडारो। अह अन्नया य विहरिउकामेहिं पयंपिओ मल्लो॥ ९ ॥ नयचक्कपोत्थयमिणं न वाइयव्वंति विहरिया गुरुणो। अह निग्गयाए अज्जाए तीए केणावि कज्जेण ॥ १०॥ इह पोत्थयंमि किं चिट्ठइत्ति संजायकोउहल्लेण । मल्लेग तयं घेत्तूण छोडियं तयणू से पत्तं ॥ ११ ॥ पढमं कलिउण करम्मि वाइओ तंमि पढमसिलोगो। निस्सेससत्थभावस्स साहगो महुरवाणीए ॥ १२॥
विधिनियमभवृत्तिव्यतिरिक्तत्वादनर्थकवचोवत।
जैनादन्यच्छासनमनृतं भवतीति वैधय॑म् ॥१३॥ जा सम्मं परिभावइ तस्सऽत्थं ताव देवयाए तयं । अविहित्ति चिंतिउणं सपत्तमवि पोत्थयं हरियं ॥ १४ ॥ तमपेच्छंतो संतो जा संजाओ विलक्खवयणो सो। ता आगयाए अज्जाए पुच्छिओ किं विसन्नोऽसि ॥ १५॥ तेण वि पोत्थयहरणं कहियं तीए वि सयलसंघस्स । तं सोउं साममुहो संघो सम्बोवि संजाओ ॥ १६ ॥ विसमम्मि पविसियव्वं न मए नयचक्कपोत्थएण विणा । रुक्खा य भक्खियव्वा केवलया भोयणे वल्ला ॥ १७ ॥ भणिओ संघेणेसो बाहिज्जसि केवलेहिं वल्लेहिं । ता देहरक्षणकए गिण्हसु तं किंपि विगई पि ॥ १८ ॥ संघाएसं बहु मनिउण सो वल्ल-घय-गुडाहारो । गंतूण संठिओ गुरुगुहाए गिरिदुग्गसेलस्स ॥ १९ ॥ तत्थट्ठियस्स वि मल्लस मुणिवरा दिति भत्तपाणाई । तम्मइपरिक्खणत्थं अहऽन्नया देवयाए इमं ॥ २० ॥ भणियं रयणीए के मिट्ठा ? वल्लत्ति जंपियं तेण । पुणरवि पज्जते तीए जंपियं छह मासाणं ॥ २१ ॥ केण ? त्ति घयगुडेणं [ति ] जंपिए मल्लचेल्लएण तओ। तस्सेवं मइपगरिसरंजियहिययाए देवीए ॥ २२ ॥ भणियं जं कि पि मणप्पियं तयं मला मग्गसु इयाणि । तुह तुहाहं तो मल्लचेल्लएणं इमं भणिया ॥ २३ ॥ नयचक्कपोत्थयं मे वियरसु ता देवयाए सो भणिओ। पढमसिलोगाओ चिय होही तं तारिसं तुज्झ ॥ २४ ॥ तो देवयाणुभावेण विरइयं तेण तत्थ नयचकं । संघेण वि वलहीए पवेसिओ सो विभूइए ॥ २५॥ गुरुणो वि विहरिउणं समागया नायसयलवुत्ता । अजियजस-जक्ख-मला गुणगणजुत्तत्ति तेहिं तओ ॥ २६ ॥ संठविया सूरिपदे जाया परवाइवारणमइंदा । अह अन्नया य सिरिमल्लसूरिणा सुमरियं एयं ॥ २७ ॥ जह भिक्खू बुद्धदासेण वायमुद्दाए सूरिणो विजिया। भरुयच्छाओ संघेण संगया तयणु नीहरिया ॥ २८ ॥