________________
३७२
अनुयोगद्वारसूत्रम् [ सू० ३३३-३३८ ] शेषं सुगमं यावत् वावी चउरस्सा । वट्ठला पुक्खरिणी पुक्खरसंभवातो वा। सारणी रिजु दीहिया । सारिणी चेव वंका गुंजालिया। सरमेगं । पंतीए पंतिट्ठिता दे [सण सरपंतिया] । सरातो सरं कवाडगेण उदगं संचरइ त्ति सरसरपंती । विविधरुक्खलतोवसोहितं कयलादिपच्छन्नघरेसु य थीसहिताण रमणट्ठाणं आरामो। पत्त-पुप्फ-फल-च्छायोवगादिरुक्खोवसोभितं बहुजणविविहवेसुण्णयमाणस्स भोयणट्ठा 5 जाणं उज्जाणं । इत्थीण पुरिसाण एगपक्खभोज्जं जंतं काणणं, अधवा जस्स पुरओ पव्वयमडवी वा सव्ववणाण य अंते वणं काणणं शीर्णं वा । एगजाइयरुक्खेहिं य वणं । अणेगजातिएहिं उत्तमेहि य वणसंडं । एगजातियाण अणेगजातियाण वा रुक्खाण पंती वणराई । अहो संकुडा उवरिं विसाला फरिहा । समक्खया खाहिया।
अन्तो पागाराणंतरं अट्ठहत्थो रायमग्गो चरिया । दोण्ह दुवाराण अन्तरे गोपुरं । 10 तिगोणमाऽऽगासभूमि तिपहसमागमो य सिंघाडगो । तिपहसमागमो चेव तियं । चउरस्सं चउपहसमागमो [य चउक्कं । चउपहसमागमो] चेव चच्चरं, छप्पहसमागमं वा एतं चच्चरं भण्णइ। देवउलं चउमुहं । महन्तो रायमग्गो महापहो । इतरा पहा। सत् सोभणा विदू जं भयंते, पोत्थयवायणं वा जत्थ, अण्णतो वा मणुयाणं अच्छणट्ठाणं सहा । जत्थुदगं दिज्जति सा पवा । बाहिरालिंदो सुविही अलिंदो वा सरणं । गिरिगुहा 15 लेणं, पव्वतस्सेगदेसलीणं वा लेणं, कप्पडिगादि वा जत्थ लयंति तं लेणं । भंडं भायणं, तं च मृन्मयादि । मात्रो मात्रायुक्तो, सो य कंसभायणादि भोयणादि भोयणभंडिका। उवकरणं पुण अणेगविहं कडग-पिडग-सूर्यादिकं । अहवा उवकरणं इमं सगड-रहादियं, तत्थ रहो त्ति जाणरहो संगामरहो य, संगामरहस्स कडिप्पमाणा फलभवेइया भवति । जाणं पुण गंडिमाइयं । गोल्लविसएं जंपाणं द्विहस्तप्रमाणं चतुरस्रं 20 सवेदिकं उपशोभितं जुग्गयं । लाडाण छल्लीजुग्गयं । हस्तिन उपरि कोल्लरं गिलतीव मानुषं गिल्ली। लाडाण जं अण्ण(ड्ड)पल्लाणं तं अण्णविसएसु थिल्ली भण्णइ। उवरि कूडागारछादिया सिबिया । दीहो जंपाणविसेसो पुरिसस्स स्वप्रमाणावगासदाणत्तणओ संदमाणी। लोही त्ति कवेल्ली। लोहकडाहं ति लोहकडिल्लं।
Jain Education International
For Private & Personal Use Only
www.jainelibrary.org
