________________
४९४
अनुयोगद्वारसूत्रम् [ सू० ४२७-४३४] कालप्रमाणमित्याह- सेत्तं कालप्पमाणे त्ति ।
[सू० ४२७] से किं तं भावप्पमाणे? भावप्पमाणे तिविहे पण्णत्ते। तंजहा- गुणप्पमाणे णयप्पमाणे संखप्पमाणे ।
[सू० ४२८] से किं तं गुणप्पमाणे ? गुणप्पमाणे दुविहे पण्णत्ते। तंजहा- जीवगुणप्पमाणे य अजीवगुणप्पमाणे य ।
5 [सू० ४२९] से किं तं अजीवगुणप्पमाणे ? अजीवगुणप्पमाणे पंचविहे पण्णत्ते । तंजहा- वण्णगुणप्पमाणे गंधगुणप्पमाणे रसगुणप्पमाणे फासगुणप्पमाणे संठाणगुणप्पमाणे ।
[सू० ४३०] से किं तं वण्णगुणप्पमाणे? वण्णगुणप्पमाणे पंचविहे पण्णत्ते । तं०-कालवण्णगुणप्पमाणे जाव सुकिल्लवण्णगुणप्पमाणे । 10 सेतं वण्णगुणप्पमाणे।
[सू० ४३१] से किं तं गंधगुणप्पमाणे ? गंधगुणप्पमाणे दुविहे पण्णत्ते । तं० सुरभिगंधगुणप्पमाणे दुरभिगंधगुणप्पमाणे य । सेतं गंधगुणप्पमाणे ।
[सू० ४३२] से किं तं रसगुणप्पमाणे ? रसगुणप्पमाणे पंचविहे 15 पण्णत्ते । तं०-तित्तरसगुणप्पमाणे जाव महुररसगुणप्पमाणे । सेतं रसगुणप्पमाणे।
[सू० ४३३] से किं तं फासगुणप्पमाणे? फासगुणप्पमाणे अट्ठविहे पण्णत्ते । तं०-कक्खडफासगुणप्पमाणे जाव लुक्खफासगुणप्पमाणे । सेतं फासगुणप्पमाणे।
20 [सू० ४३४] से किं तं संठाणगुणप्पमाणे ? संठाणगुणप्पमाणे पंचविहे पण्णत्ते । तं०-परिमंडलसंठाणगुणप्पमाणे जाव आययसंठाणगुणप्पमाणे। सेतं संठाणगुणप्पमाणे । सेतं अजीवगुणप्पमाणे ।
Jain Education International
For Private & Personal Use Only
www.jainelibrary.org
