________________
४६०
अनुयोगद्वारसूत्रम् [ सू० ४१८] पन्नत्ता? गोतमा ! दुविहा पण्णत्ता । तं०- बद्धेल्लया य मुक्केल्लया य । तत्थ णं जे ते बद्धेल्लया ते णं नत्थि । तत्थ णं जे ते मुक्केल्लया ते जहा ओहिया ओरालिया तहा भाणियव्वा ।।
[२] नेरइयाणं भंते ! केवइया वेउव्वियसरीरा पन्नत्ता ? गो० ! दुविहा पण्णत्ता । तंजहा-बद्धेल्लया य मुक्केल्लया य । तत्थ णं जे ते 5 बद्धेल्लया ते णं असंखेजा असंखेजाहिं उस्सप्पिणी-ओसप्पिणीहिं अवहीरंति कालओ, खेत्तओ असंखेजाओ सेढीओ पयरस्स असंखेजइभागो, तासि णं सेढीणं विक्खंभसूयी अंगुलपढमवग्गमूलं बितियवग्गमूलपडुप्पण्णं, अहव णं अंगुलबितियवग्गमूलघणपमाणमेत्ताओ सेढीओ। तत्थ णं जे ते मुक्केल्लया ते णं जहा ओहिया 10 ओरालियसरीरा तहा भाणियव्वा ।
[३] , णेरइयाणं भंते ! केवइया आहारगसरीरा पण्णत्ता ? गोयमा! दुविहा पण्णत्ता । तंजहा-बद्धेल्लया य मुक्केल्लया य । तत्थ णं जे ते बद्धेल्लया ते णं नत्थि । तत्थ णं जे ते मुक्केल्लया ते जहा ओहिया ओरालिया तहा भाणियव्वा । “
15 [४] तेयग-कम्मगसरीरा जहा एतेसिं चेव वेउव्वियसरीरा तहा भाणियव्वा।
- [चू० ४१८] रइया णं भंते ! इत्यादि । वइसे सितिया णारगादीणमिदाणिं भण्णंति । णारगाण ओरालियसरीरा बद्धेल्लया णत्थि, ओरालियसरीरजोगदव्वग्गहणअभावत्तणतो । णारगाणं वेउब्विया बद्धेल्लया जावंत एव 20 णारगा। ते पुण असंखेज्जा असंखेज्जाहिं ओसप्पिणि-उस्सप्पिणीहिं कालप्पमाणं, खेत्ततो असंखेज्जाओ सेढीतो, तासिं पदेसमेत्ता णारगा। आह-पतरं पि असंखेज्जाओ सेढीतो, आयरिय आह-सगलपयरसेढीतो ताव ण भवंति, जति होतीओ तो पतरं
Jain Education International
For Private & Personal Use Only
www.jainelibrary.org
