________________
४४४
अनुयोगद्वारसूत्रम् [ सू० ४०५-४१३] सरीरा पण्णत्ता । तंजहा-बेउव्विए तेयए कम्मए । एवं तिण्णि तिण्णि एते चेव सरीरा जाव थणियकुमाराणं भाणियव्वा ।
[सू० ४०८] [१] पुढवीकाइयाणं भंते ! कति सरीरा पण्णत्ता ? गो० ! तयो सरीरा पण्णत्ता । तंजहा-ओरालिए तेयए कम्मए ।
[२] एवं आउ-तेउ-वणस्सइकाइयाण वि एते चेव तिण्णि सरीरा 5 भाणियव्वा।
[३] वाउकाइयाणं जाव गो० ! चत्तारि सरीरा पन्नत्ता । तं०ओरालिए वेउव्विए तेयए कम्मए ।
[सू० ४०९] बेंदिय-तेंदिय-चउरिंदियाणं जहा पुढवीकाइयाणं ।
[सू० ४१०] पंचेंदियतिरिक्खजोणियाणं जाव गो० ! जहा 10 वाउकाइयाणं ।
[सू० ४११] मणूसाणं जाव गो० ! पंच सरीरा पन्नत्ता। तं० ओरालिए वेउव्विए आहारए तेयए कम्मए ।
[सू० ४१२] वाणमंतराणं जोइसियाणं वेमाणियाणं जहा नेरइयाणं, वेउब्विय-तेयग-कम्मगा तिनि तिन्नि सरीरा भाणियव्वा। 15
[सू० ४१३] केवतिया णं भंते ! ओरालियसरीरा पण्णत्ता ? गो०! दुविहा पण्णत्ता । तंजहा-बद्धेल्लया य मुक्केल्लया य । तत्थ णं जे ते बद्धेल्लया ते णं असंखेजा असंखेजाहिं उस्सप्पिणी-ओसप्पिणीहिं अवहीरंति कालओ, खेत्ततो असंखेजा लोगा। तत्थ णं जे ते मुक्केल्लगा ते णं अणंता अणंताहिं उस्सप्पिणी-ओसप्पिणीहिं अवहीरंति कालओ, 20 खेत्ततो अणंता लोगा, दव्वओ अभवसिद्धिएहिं अणंतगुणा सिद्धाणं अणंतभागो।
Jain Education International
For Private & Personal Use Only
www.jainelibrary.org
