Page Text
________________
आ.श्रीजिनदासगणिविरचितचूर्णि-हरिभद्रसूरिविर०विवृति-मल० हेमचन्द्रसूरिविर०वृत्तिभिः समेतम् ४
5
आचार्यप्रवर मलधारिश्री हेमचन्द्रसूरिविरचिता वृत्तिः ।
एँ नमः । श्रीवीतरागाय नमः ।। [ हे० १] सम्यक्सुरेन्द्रकृतसंस्तुतिपादपद्ममुद्दामकामकरिराजकठोरसिंहम् ।
सद्धर्मदेशकवरं वरदं नतोऽस्मि वीरं विशुद्धतरबोधनिधिं सुधीरम् ।।१।। अनुयोगभृतां पादान् वन्दे श्रीगौतमादिसूरीणाम् । निष्कारणबन्धूनां विशेषतो धर्मदातॄणाम् ॥२॥ यस्याः प्रसादमतुलं संप्राप्य भवन्ति भव्यजननिवहाः । अनुयोगवेदिनस्तां प्रयत: श्रुतदेवतां वन्दे ।।३।।
इहातिगम्भीरमहानीरधिमध्यनिपतितानर्घ्यरत्नमिवातिदुर्लभं संप्राप्य मानुषं जन्म, ततोऽपि लब्ध्वा त्रिभुवनैकहितश्रीमज्जिनप्रणीतबोधिलाभम्, समासाद्य विरत्यनुगुणं
परिणामम्, प्रतिपद्य चरणधर्मम्, अधीत्य विधिवत् सूत्रम्, समधिगम्य तत्परमार्थम्, 10 विज्ञाय स्व-परसमयरहस्यम्, तथाविधकर्मक्षयोपशमसंभविनीं चावाप्य विशदप्रज्ञां
जिनवचनानुयोगकरणे- यतितव्यम्, तस्यैव सकलमनोऽभिलषितार्थसार्थसंसाधकत्वेन यथोक्तसमग्रसामग्रीफलत्वात् । स चानुयोगो यद्यप्यनेकग्रन्थविषय: संभवति तथापि १.हे० = हेमचंद्रसूरिविरचिता वृत्तिः । अत्रेदं ज्ञेयम् - मलधार्याचार्यश्रीहेमचन्द्रसूरिविरचितेयं वृत्तिः तालपत्रोपरि लिखितान् पञ्च एकंच कागजपत्रोपरि लिखितमादर्शमवलम्ब्यास्माभिः संशोधिता सम्पादिता च । तेषां स्वरूपमिदम् - खं = खंभातनगरे श्री शान्तिनाथतालपत्रीयग्रन्थभाण्डागारे ३९ ग्रन्थाङ्के विद्यमान आदर्शः । पत्राणि ५७A - २३७ B | संवत् १३०१ वर्षे आषाढशुदि १० शुक्रे लिखितेयं प्रतिः । जे१ = जेसलमेरनगरे श्रीजिनभद्रसूरिज्ञानभाण्डागारे ८० ग्रन्थाङ्के विद्यमान आदर्श:, पत्राणि १-१८१ ।जे २ = जेसलमेरनगरे तत्रैव ८१ ग्रन्थाङ्के विद्यमान आदर्श:, पत्राणि १-१९४ । पा १ = पाटणनगरे [अणहिलपुरपत्तने] संघवीपाडाभण्डारमध्ये [डाबडो नं. ३२] विद्यमान आदर्शः। पत्राणि ४४-२२३ । “संवत् १४८० वर्षे कार्तिवदि १२ रवौ महं भीमासुत हरिदासेन लिखितम्” इति एतदन्ते लिखितम् । पा२ = पाटणनगरे [अणहिलपुरपत्तने] संघभण्डारमध्ये श्रीहेमचन्द्राचार्यज्ञानमन्दिरे [डाबडो नं०७ पोथी नं० ७] विद्यमान आदर्शः । पत्राणि ९० - ४३० । अस्मिन् ग्रन्थे १-४४ पत्रेषु सूत्राणि । ४४ - ८९ पत्रेषु अनुयोगद्वारचूर्णिः। ततः परम् ९० - ४३० पत्रेषु मलधारिश्री हेमचन्द्रसूरिविरचितावृत्तिः। अस्या अनुयोगद्वारचूर्णेरन्ते “सं० १४५६ वर्षे श्रीस्तम्भतीर्थे बृहत्पौषधशालायां भट्टारिक श्रीजयतिलकसूरिरनुयोगद्वारचूर्णिउद्धार कारापति' ' इति लिखितमस्ति । एते चत्वारस्तालपत्रोपरि लिखिता ग्रन्थाः । मां० = कच्छदेशे मांडवीनगरे कागजपत्रोपरि लिखित: खरतरगच्छजैनसंघज्ञानभण्डारे [पोथी नं. ४७, ग्रन्थाङ्क २६७] विद्यमान आदर्शः । २१ - १०७ पत्राणि । “संवत् १४५२ वर्षे आषाढशुदि ९ गुरौ" लिखितेयं प्रतिः ।
Jain Education International
For Private & Personal Use Only
www.jainelibrary.org
| SR No. | 001106 |
| Book Title | Agam 45 Chulika 02 Anuyogdwar Sutra Part 01 |
| Original Sutra Author | Aryarakshit |
| Author | Punyavijay, Jambuvijay |
| Publisher | Mahavir Jain Vidyalay |
| Publication Year | 1999 |
| Total Pages | 540 |
| Language | Prakrit, Sanskrit |
| Classification | Book_Devnagari, Agam, Canon, G000, G010, & agam_anuyogdwar |
| File Size | 11 MB |