________________
मिच्छ अजयचउ आउ, बितिगुण विणु मोहि सत्तमिच्छाइ। छण्हं सतरस सुहुमो, अजया देसा बितिकसाए ॥ ९०॥ पण अनियट्टी सुखगइ, नराउसुरसुभगतिगविउव्विदुगं । समचउरंसमसायं, वइरं मिच्छो व सम्मो वा ॥ ९१॥ निद्दापयलादुजुयलभयकुच्छातित्थसम्मगो सुजई। आहारदुगं सेसा, उक्कोसपएसगा मिच्छो ॥ ९२॥ सुमुणी दुन्नि असन्नी, निरयतिगसुराउसुरविउव्विदुगं । सम्मो जिणं जहन्नं, सुहुमनिगोयाइखणि सेसा ॥ ९३॥ दसणछगभयकुच्छा बितितुरीयकसायविग्घनाणाणं। मूलछगे णुक्कोसो, चउह दुहा सेसि सव्वत्थ ॥ ९४ ॥ सेढिअसंखिज्जंसे जोग ट्ठाणाणि पयडिठिइभेया । ठिइबंधज्झवसायाणुभागठाणा असंखगुणा ॥ ९५॥ तत्तो कम्मपएसा अणंतगुणिया तओ रसच्छेया । जोगा पयडिपएसं, ठिइअणुभागं कसायाओ ॥ ९६॥ चउदसरज्जू लोगो, बुद्धिकओ होइ सत्तरज्जुघणो। तद्दीहेगपएसा, सेढी पयरो य तव्वग्गो ॥ ९७॥ अणदंसनपुसित्थी, वेयछक्कं च पुरिसवेयं च। दो दो एगन्तरिए, सरिसे सरिसं उवसमेइ ॥ ९८॥ अणमिच्छामीससम्म, तिआउइगविगलथीणतिगुजोयं। तिरिनरयथावरदुगं, साहारायवअडनपुत्थी ॥ ९९॥ छगपुंसंजलणा दोनिद्दविग्यावरणक्खए नाणी । देविंदसूरिलिहियं सयगमिणं आयसरणट्ठा ॥ १००॥
*
*
Jain Education International
For Private & Personal Use Only
www.jainelibrary.org
