________________
१८
चउठाणाई असुहा, सुहन्नहा विग्घदेसघाइआवरणा । पुमसंजलणिगदुतिचउठाणरसा सेस दुगमाई ॥६४॥ निम्बुच्छुरसो सहजो, दुतिचउभागकड्डि इक्क भागंतो । इगठाणाई असुहो, असुहाण सुहो सुहाणं तु ॥ ६५ ॥ तिव्वमिगथावरायव, सुरमिच्छा विगलसुहुमनिरयतिगं । तिरिमणुआउ तिरिनरा, तिरिदुगछेवट्ठ सुरनिरया ॥ ६६ ॥ विउव्विसुराहारदुगं, सुखगइवन्नचउतेयजिणसायं । समचउपरघातसदस, पणिंदिसासुच्च खवगा उ ॥ ६७॥ तमतमगा उज्जोयं, सम्मसुरा मणुयउरलदुगवरं । अपमत्तो अमराउं, चउगइ मिच्छा उ सेसाणं ॥ ६८ ॥ थीणतिगं अणमिच्छं, मंदरसं संजमुम्मुहो मिच्छो । बियतियकसाय अविरय देस पमत्तो अरइसोए ॥ ६९ ॥ अपमाइ हारगदुगं, दुनिद्द असुवन्नहासरइकुच्छा । भयमुवघायमपुव्वो, अनियट्टी पुरिससंजलणे ॥ ७० ॥ विग्घावरणे सुहुमो, मणुतिरिया सुहुमविगलतिगआऊ । वेडव्विछक्कममरा निरया उज्जोयउरलदुगं ॥ ७१ ॥ तिरिदुगनिअं तमतमा, जिणमविरयनिरयविणिगथावरयं । आसुहुमायव सम्मो व सायथिर सुभजसा सिअरा ॥ ७२ ॥ तसवन्नतेयचउमणुखगइदुगपणिंदिसासपरघुच्छं । संघयणागिइनपुथीसुभगियरति मिच्छचउगइया ॥ ७३ ॥ चउतेयवन्न वेयणीयनामणुक्कोसु सेसधुवबंधी । घाईणं अजहन्नो, गोए दुविहो इमो चउहा ॥ ७४ ॥ सेसम्म दुहा इगदुगणुगाड़ जा अभवणंतगुणियाणू । खंधा उरलोचिय वग्गणा उ तह अगहणंतरिया ॥ ७५ ॥ एमेव विउव्वाहारतेयभासाणुपाणमणकम्मे । सुहुमा कम्मावगाहो, ऊणूणंगुल असंखंसो ॥ ७६ ॥
Jain Education International
For Private & Personal Use Only
www.jainelibrary.org
