________________
तो जइजिट्ठो बन्धो संखगुणो देसविरय हस्सियरो । सम्मचउ सन्निचउरो, ठिइबंधाणुकम संखगुणा ।। ५१ ।। सव्वाण वि जिट्ठठिई, असुभा जं साइकिलेसेणं । इयरा विसोहिओ पुण, मुत्तुं नर अमरतिरियाउं ।। ५२ ।। सुहुमनिगोयाइखणऽप्पजोग बायर य विगलअमणमणा । अपज्ज लहु पढमदुगुरू, पज्ज हस्सियरो असंखगुणो ॥ ५३ ॥ असमत्ततसुक्कोसो, पज्ज जहन्नियरु एव ठिठाणा । अपजेयर संखगुणा, परमपजबीए असंखगुणा ॥ ५४ ॥ पइखणमसंखगुणविरिय अपजपइठिइमसंखलोगसमा । अज्झवसाया अहिया, सत्तसु आउसु असंखगुणा ।। ५५ ।। तिरिनरयतिजोयाणं, नरभवजुय सचउपल्ल तेस । थावरचउइगविगलायवेस् पणसीइसयमयरा ॥ ५६ ॥ अपढमसंघयणांगिइ खगइअणमिच्छदुहगथीणतिगं । निय नपुइत्थि दुतीसं, पणिदिसु अबंधठिड़ परमा ॥ ५७ ॥ विजयाइसु गेविज्जे, तमाइ दहिसय दुतीस तेस । पणसीइ सयय बंधो पल्लतिगं सुरविउव्विदुगे ॥ ५८ ॥ समयादसंखकालं तिरिदुगनीएसु आउ अंतमुहू । उरलि असंखपरट्टा, सायठिई पुव्वकोडूणा ॥ ५९॥ जलहिसयं पणसीयं परघुस्सासे पणिंदितसचउगे । बत्तीसं सुहविहगइ पुमसुभगतिगुच्चचउरंसे ॥ ६०॥ असुहगइजाइआगिइ संघयणाहारनरयजोयदुगं । थिरसुभजसथावरदसनपुइत्थी जुयलमसायं ॥ ६१॥ समयादंतमुहुत्तं मणुदुगजिणवइरउरलुवंगेसु । तित्तीसयरा परमो अंतमुहू लहु वि आउजिणे ॥ ६२ ॥ तिव्वो असुहसुहाणं, संकेसविसोहिओ विवज्जयओ । मंदरसो गिरिमहिरयजलरेहासरिसकसाएहिं ॥ ६३ ॥
૨
૧૭
Jain Education International
For Private & Personal Use Only
www.jainelibrary.org
