________________
૧૬ विगल असन्निसु जिट्ठो, कणि?ओ पल्लसंखभागूणो। सुरनरयाउ समा दस सहस्स सेसाउ खुड्डभवं ॥३८॥ सव्वाण वि लहुबंधे, भिन्नमुहू अबाह आउजिढे वि। केइ सुराउसमं जिणमंतमुहू बिंति आहारं ॥३९॥ सत्तरस समहिया किर, इगाणुपाणुंमि हुँति खुड्डभवा। सगतीससयतिहुत्तर, पाणू पुण इगमुहुत्तंमि॥४०॥ पणसट्ठिसहस्स पणसय, छत्तीसा इगमुहुत्त खुड्डभवा। आवलियाणं दोसय, छप्पन्ना एग खुड्डभवे॥४१॥. अविरयसम्मो तित्थं, आहारदुगामराउ य पमत्तो । मिच्छद्दिट्ठी बंधइ, जिट्ठठिई सेस पयडीणं ।। ४२ ।। विगलसुहुमाउगतिगं, तिरिमणुया सुरविउव्विनिरयदुगं । एगिंदिथावरायव, आईसाणा सुरुक्कोसं ॥ ४३ ।। तिरिउरलदुगुज्जोयं, छिवट्ठसुरनिरयसेसचउगइया । आहारजिणमपुव्वो, नियट्टिसंजलणपुरिसलहुं ।। ४४।। सायजसुच्चावरणा, विग्धं सुहुमो विउव्विछअसन्नी । सन्नी वि आऊ बायर, पज्जेगिंदि उ सेसाणं ॥४५॥ उक्कोसजहन्नेयर-भंगा साई अणाइ धुव अधुवा । चउहा सग अजहन्नो, सेसतिगे आउचउसु दुहा ।। ४६ ।। चउभेओ अजहन्नो, संजलणावरणनवगविग्घाणं । सेसतिगि साइअधुवो, तह चउहा सेसपयडीणं ॥४७॥ साणाइअपुव्वंते अयरंतो कोडिकोडीओ न हिगो । बंधो न हु हीणो न य, मिच्छे भव्वियरसन्निंमि ।। ४८ ।। जइ लहुबंधो बायर पज असंखगुण सुहुमपजहिगो । एसिं अपज्जाण लहू, सुहूमेअर अपज्जपजगुरू ।। ४९ ।। लहु बिय पज्जअपजे अपजेयर बिय गुरू हिगो एवं । ति चउ असन्निसु नवरं, संखगुणो बियअमणपजत्ते ॥५०।
Jain Education International
For Private & Personal Use Only
www.jainelibrary.org
