________________
૧૫
तिपणछअट्ठनवहिया, वीसा तीसेगतीस इग नामे । छस्सगअट्ठतिबंधा, सेसेसु य ठाणमिक्किक्कं ।। २५ ।। वीसयरकोडिकोडी, नामे गोए अ सत्तरी मोहे । तीसयर चउसु उदही, निरयसुराउम्मि तित्तीसा ॥२६ ।। मुत्तुं अकसायठिइं, बार मुहुत्ता जहन्न वेयणिए । अट्ठल नामगोएसु, सेसएसुं मुहत्तंतो ।। २७ ।। विग्घावरणअसाए, तीसं अट्ठार सुहुमविगलतिगे । पढमागिइ संघयणे, दस दुसुवरिमेसु दुगवुड्डी ॥ २८ ।। चालीस कसाएसुं, मिउलहुनिद्धण्ह सुरहिसिअमहुरे । दस दोसड्ढसमहिया, ते हालिदंबिलाईणं ।। २९ ॥ दस सुहविहगइउच्चे, सुरदुग थिरछक्क पुरिसरइहासे । मिच्छे सत्तरि मणुदुग, इत्थी साएसु पन्नरस ।। ३० । भय कुच्छ अरइसोए, विउव्वितिरि उरलनिरयदुग नीए । तेयपण अथिरछक्के, तसचउ थावर इग पणिंदी ।। ३१ ।। नपु कुखगइ सासचउ, गुरुकक्खडरुक्खसीयदुग्गंधे । वीसं कोडाकोडी, एवइयाबाह वाससया ॥ ३२ ।। गुरुकोडिकोडि अंतो, तित्थाहाराण भिन्नमुहु बाहा । लहु ठिइ संखगुणूणा, नरतिरियाणाउ पल्लतिगं ।। ३३ ।। इग विगल पुव्वकोडिं, पलियासंखंस आउचउ अमणा । निरुवक्त्रमाण छमासा, अबाह सेसाण भवतंसो ॥३४।।
लहुठिइबंधो संजलण लोह पणविग्घनाणदंसेसु । भिन्नमुहत्तं ते अट्ठ, जसुच्चे बारस य साए ॥३५॥ दो इग मासो पक्खो, संजलणतिगे पुमट्ठवरिसाणि। सेसाणुक्कोसाओ, मिच्छत्तठिईइ जं लद्धं ॥३६॥ अयमुक्कोसोगिंदिसु, पलियासंखंसहीण लहुबंधो। कमसो पणवीसाए, पन्ना सय सहस्स संगुणिओ ॥३७॥
Jain Education International
For Private & Personal Use Only
www.jainelibrary.org
