________________
८. इलिभासियाई
पंडिए बहुमण्णेजा - ' दिट्ठा मे एस बाले दंडेण वा लट्ठिणा वा लेडुणा वा मुट्ठा वा कवाणवा अभिहणति तज्जेति तालेति परितालेति परितावेति उद्दवेति, णो अण्णतरेणं सत्थजातेणं अण्णयरं सरीरजायं अच्छिदइ वा, विच्छिदइ वा; मुक्खभावा हि बाला, ण किंचि बालेहिंतो ण विज्जति । तं पंडिए सम्मं सहेज्जा खमेज्जा तितिक्खेज्जा अहियासेजा ३ ।
बाले य पंडियं अण्णतरेणं सत्थजाएणं अण्णतरं सरीरजायं अच्छिदेज्ज वा विच्छिदेज वा तं पंडिए बहु मन्नेज्जा - दिट्ठा मे एस बाले अण्णतरेणं सत्थजातेणं अण्णतरं सरीरजायं अच्छिदति वा विच्छिदति वा, णो जीवितातो ववरोवेति; मुक्खसभावा हि बाला, ण किंचि बालेहिंतो ण विज्जति । ' तं पंडिए सम्मं सहेज्जा खमेज्जा तितिक्खेज्जा अहियासेज्जा ४॥
बाले य पंडितं जीवियाओ ववरोवेज्जा, । तं पंडिते बहुमण्णेज्जा - ' दिट्ठा मे एस बाले जीविताओ ववरोवेति णो धम्माओ भंसेति, मुक्खसभावा हि बाला, ण किंचि बालेहिंतो ण विज्जति । ' तं पंडिते सम्मं सहेज्जा खमेज्जा तितिक्खेज्जा अहियासेज्जा ५ । "
इसिगिरिणा माहणपरिव्वायएणं अरहता बुझतं ॥ १ ॥
[सु. २- ७, पंडियका यव्वनिरूवणाई ] १९६४. जेण केणइ उवाएणं पंडिओ मोइज अप्पकं । बाणुदीरिता दोसा तं पि तस्स हितं भवे ॥ २ ॥ १९६५. अपडिण्णभावाओ उत्तरं तु ण विज्जती ।
सकुव्व वेसे णो अपडिण्णे इह माहणे ॥ ३ ॥ १९६६. किं कज्जते उ दीणस्स णेऽण्णत्थ देहकंखणं ।
कालस्स कंखणं वा वि णऽण्णत्तं वा वि हायती ॥ ४ ॥
१९६७. णच्चाण आतुरं लोकं णाणावाहीहि पीलितं । णिम्ममे णिरहंकारे भवे भिक्खु जितिंदिए ॥ ५ ॥
१. हिता शुपा० ॥ २. णण्णता दे' पु० ॥ ३. भिक्खाजि शुपा० ॥ भिक्खजि पु० ॥
Jain Education International
For Private & Personal Use Only
२३७
५
१०
१५
२०
www.jainelibrary.org
