Painnay suttai Part 1

SR No.: 001044
Original Sutra Author: N/A
Author: Punyavijay, Amrutlal Bhojak
Publisher: Mahavir Jain Vidyalay
Publication Year: 1984
Total Pages: 689
Language: Prakrit
Classification: Book_Devnagari, Agam, Canon, Ethics, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 11 MB

Page 313

पइण्णयसुत्तेसु १३६८. आसवदारेहिं सया हिंसाईएहिं कम्ममासवइ ।
जह नावाइ विणासो छिदेहि जलं उयहिमज्झे ॥ ६१९॥ १३६९. कम्मासवदाराइं निरंभियव्वाइं इंदियाइं च ।
हंतव्वा य कसाया तिविहं तिविहेण मोक्खत्थं ८॥ ६२०॥ ५ १३७०. निग्गहियकसाएहिं [हु] आसवा मूलओ हया होति ।
अहियाहारे मुक्के रोगा इव आउरजणस्स ॥ ६२१॥ १३७१. नाणेण य झाणेण य तवोबलेण य बला निरंभंति ।
इंदियविसय-कसाया धरिया तुरगा व रज्जूहिं ॥ ६२२ ॥ १३७२. हुंति गुणकारगाई सुयरज्जूहिं धणियं नियमियाई।
नियगाणि इंदियाइं जइणो तुरगा इव सुदंता ॥ ६२३ ॥ १३७३. मण-वयण-कायजोगा जे भणिया करणसण्णिया तिण्णि ।
ते जुत्तस्स गुणकरा होति, अजुत्तस्स दोसकरा ॥ ६२४॥ १३७४. जो सम्मं भूयाई पासइ भूए य अप्पभूए य।
कम्ममलेण न लिप्पइ सो संवरियाऽऽसवदुवारो ९॥६२५॥ १५ १३७५. धण्णा सत्तहियाइं मुंणेति, धण्णा करेंति मुणियाई ।
धण्णा सुग्गइमग्गं मरंति, धण्णा गया सिद्धिं ॥ ६२६ ॥ १३७६. धण्णा कलत्तनियलेहिं विप्पमुक्का सुसत्तसंजुत्ता।
वारीओ व गयवरा घरवारीओ विनिफिडिया ॥ ६२७॥ १३७७. धण्णा न करंति नवं संजमजोगेहिं कम्ममट्ठविहं ।
तवसलिलेणं मुणिणो धोयंति पुराणयं कम्मं ॥ ६२८॥ १३७८. नाणमयवायसहिओ सीलुजलिओ तवोमओ अग्गी।
संसारकरणबीयं दहइ दवग्गी व तणरासिं ॥ ६२९॥ १३७९. इणमो सुगइगइपहो सुदेसिओ उक्खिओ जिणवरेहिं ।
ते धन्ना जे एयं पहमणवजं पवनति १० ॥ ६३०॥ १. सुणेति पु० सा० ॥ २. सुणियाई पु० सा० ॥ ३. °का पवरतत्त' सं० ॥ ४. धुणंति पोरा' जे० सा०॥ ५. उक्खओ जे०॥