________________
१०
५. मरणविभत्तिपइण्णय ८९३. किं एत्तो लट्ठयरं अच्छेरतरं व सुंदरतरं वा ? ।
चंदमिव सव्वलोगा बहुस्सुयमुहं पलोयंति ॥ १४४॥ ८९४. चंदाउ नीइ जोण्हा, बहुस्सुयमुहाओ नीइ जिणवयणं ।
जं सोऊण सुविहिया तरंति संसारकंतारं ॥१४५॥ ८९५. चंउदसपुव्वधराणं ओहीनाणीण केवलीणं च ।
लोगुत्तमपुरिसाणं तेसिं नाणं अभिन्नाणं ॥१४६॥ ८९६. नाणेण विणा करणं न होइ, नाणं पि करणहीणं तु ।
नाणेण य करणेण य दोहि वि दुक्खक्खयं होइ ॥१४७॥ ८९७. दढमूलमहाणम्मि वि वरमेगो वि सुय-सीलसंपण्णो ।
मा हु सुय-सीलविगला ! काहिसि माणं पवयणम्मि ॥१४८॥ ८९८. तम्हा सुयम्मि जोगो कायन्वो होइ अप्पमत्तेणं ।
जेणेऽप्पणं परं पि य दुक्खसमुद्दाओ तारेइ ॥ १४९ ॥
[गा. १५०-५३. सम्मत्तजुत्ताणं चरण करणाणं गुणा] ८९९. परमत्थम्मि सुदिढे अविणद्वेसु तव-संजमगुणेसु ।
लब्भइ गई विसुद्धा सरीरसारे विणट्ठम्मि ॥१५०॥ ९००. अविरहिया जस्स मई पंचहिं समिईहिं तिहि वि गुत्तीहि ।
न य कुणइ राग-दोसे, तस्स चरितं हवइ सुद्धं ॥१५१॥ ९०१. उक्कोसचरित्तो वि य परिवडई, मिच्छभावणं कुणइ ।
किं पुण सम्मद्दिट्ठी सरागधम्मम्मि वर्सेतो १ ॥१५२॥ ९०२. तम्हा पत्तह दोसु वि काउं जे उज्जमं पयत्तेणं ।
सम्मत्तम्मि चरित्ते करणम्मि य मा पमाएह ॥१५३॥
[गा. १५४-७५. निजवगा आयरिया अत्तसोही य] ९०३. जाव य सुई न नासइ, जाव य जोगा न ते पराहीणा ।
सद्धा व जा न हायइ, इंदियजोगा अपरिहीणा ॥१५४॥
१५
-
-
१. चोइस सं०॥ २. जेणऽप्पाण परं सं० सा० ॥ ३. विसिट्ठा सं० ॥
Jain Education International
For Private & Personal Use Only
www.jainelibrary.org
