________________
४. गणिविजापइण्णयं ६९३. विजाणं धारणं कुज्जा, बंभजोगे य साहए ।
सज्झायं च अणुन्नं च उद्देसे य समुद्दिसे ॥३०॥ ६९४. अणुराहा रेवई चेव चित्ता मिगसिरं तहा ।
मिऊणेयाणि चत्तारि, मिउकम्मं तेसु कारए ॥३१॥ भिक्खाचरणमत्ताणं कुजा गहण धारणं ।
संगहोवग्गहं चेव बाल-वुड्डाण कारए ॥३२॥ ६९६. अद्दा अस्सेस जेट्ठा य मूलो चेव चउत्थओ।
गुरुणो कारए पडिमं, तवोकम्मं च कारए ॥३३॥ ६९७. दिव्व-माणुस-तेरिच्छे उवसग्गेऽहियासए ।
गुरुसु चरण-करणं उग्गहं पग्गहं करे ॥ ३४ ॥ ६९८. महा भरणि पुव्वाणि तिन्नि उग्गा वियाहिया।
एतेसु तवं कुजा सब्भितर-बाहिरं ॥ ३५॥ ६९९. तिन्नि सयाणि सहाणि तवोकम्माणि आहिया ।
उग्गनक्खत्तजोएसुं तेसुमन्नतरे करे ॥ ३६॥ ७००. कित्तिया य विसाहा य उम्हाणेयाणि दोन्नि उ ।
लिंपणं सीवणं कुज्जा संथारुग्गहधारणं ॥ ३७॥ ७०१. उवकरण भंडमाईणं विवायं चीवराण य।
उवगरणं विभागं च आयरियाण कारए ॥ ३८॥ ७०२. धणिट्ठा सयभिसा साई सवणो य पुणव्वसू ।
एएसु गुरुसुस्सूसं चेइयाणं च पूयणं ॥ ३९॥ ७०३. सज्झायकरणं कुज्जा, विजारंभे य कारए।
वओवठ्ठावणं कुज्जा, अणुन्नं गणि-वायए ॥४०॥ ७०४. गणसंगहणं कुन्जा सेहनिक्खमणं तहा।
संगहोवग्गहं कुज्जा, गणावच्छेइयं तहा ॥४१॥ दारं ३॥
१. गुरू सुचरणकरणो उग्गहोवग्गहं करे सा०॥ २. बाहिरं चेव ॥ सा०॥ ३. उन्हाणे पु.॥ .. पाणं तु का सा०॥ ५. विजारय(विरहं च) का सा०॥ ६. मणं करे। सं° सा.॥ .. 'दारं ३' इति जे. सा. एव ॥
Jain Education International
For Private & Personal Use Only
www.jainelibrary.org
