Painnay suttai Part 1

SR No.: 001044
Original Sutra Author: N/A
Author: Punyavijay, Amrutlal Bhojak
Publisher: Mahavir Jain Vidyalay
Publication Year: 1984
Total Pages: 689
Language: Prakrit
Classification: Book_Devnagari, Agam, Canon, Ethics, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 11 MB

Page 198

२. तंदुलवेयालियपण्णयं ३४६. अप्पं सुकं बहुं ओयं इत्थीया तत्थ जायई ।
अप्पं ओयं बहुं सुकं पुरिसो तत्थ जायई ॥३५॥ ३४७. दोण्हं पि रत्त-सुक्काणं तुलभावे नपुंसगो । इत्थीओयसमाओगे बिंबं तत्थ पजायइ ॥ ३६॥
[सु. ३७. गब्भस्स निक्खमणं] ३४८. अह णं पसवणकालसमयंसि सीसेण वा पाएहिं वा आगच्छइ सममागच्छइ तिरियमागच्छइ विणिघायमावज्जइ ॥ ३७॥
[गा. ३८. उक्कोसो गब्भवासकालो] ३४९. कोइ पुण पावकारी बारस संवच्छराइं उक्कोसं ।
अच्छइ उ गम्भवासे असुइप्पभवे असुइयम्मि ॥ ३८॥
[गा. ३९-४४. गब्भवासस्स सरूवं विरूवया य] ३५०. जायमाणस्स जं दुक्खं मरमाणस्स वा पुणो।
तेण दुक्खेण सम्मूढो जाइं सरइ नऽप्पणो ॥३९॥ ३५१. विस्सरसरं रसंतो तो सो जोणीमुहाउ निप्फिडइ ।
माऊए अप्पणो वि य वेयणमउलं जणेमाणो ॥४०॥ ३५२. गब्भघरयम्मि जीवो कुंभीपागम्मि नरयसंकासे ।
वुच्छो अमेज्झमज्झे असुइप्पभवे असुइयम्मि ॥४१॥ ३५३. पित्तस्स य सिंभस्स य सुक्कस्स य सोणियस्स वि य मज्झे।
मुत्तस्स पुरीसस्स य जायइ जह वच्चकिमिउ व्व ॥४२॥ ३५४. तं दाणि सोयकरणं केरिसगं होइ तस्स जीवस्स १ ।
सुक्क-रुहिरागराओ जस्सुप्पत्ती सरीरस्स ॥४३॥ ३५५. एयारिसे सरीरे कलमलभरिए अमेज्झसंभूए ।
निययं विगणितं सोयमयं केरिसं तस्स? ॥४४॥
१. °त्थी तत्थ पजायई सं० ॥ २. तुल्लयाए नपुं० सं० ॥ ३. सम्ममा सं०, अयं पाठभेदो वृत्तिकृता उल्लिखितो व्याख्यातश्चाप्यस्ति ॥ ४. जाइं न सरह अप्पणो सं०॥ ५. वीसरसरं सं० ॥ ६. धुत्थो भ° सं० ॥ ७. जाओ जह सं०॥