________________
४०
पइन्नयसुत्तेसु करेजा देवलोएसु उववजेजा, से एएणं अट्ठणं गोयमा ! एवं वुच्चइ-अत्थेगइए उववजेजा अत्थेगइए नो उववजेजा ॥ २७॥ [भगवती श० १ उ० ७ सू० २०]॥
१०
[सु. गा. २८-३३. गब्भगयस्स जीवस्स माउसमसहावया] ३३९. जीवे णं भंते ! गब्भगए समाणे उत्ताणए वा पासिलए वा अंबखुजए वा अच्छेज वा चिटेज वा निसीएज वा तुयटेज वा आसएज वा सएज वा माऊए सुयमाणीए सुयइ जागरमाणीए जागरइ सुहिआए सुहिओ भवइ दुहिआए दुहिओ भवइ ? हंता गोयमा ! जीवे णं गब्भगए समाणे उत्ताणए वा जाव दुक्खिआए दुक्खिओ भवइ ॥२८॥ [भगवती श० १ उ० ७ सू० २१] ॥ ३४०. थिरजायं पि हु रक्खइ, सम्मं सारक्खई तओ जणणी।
__ संवाहई तुयट्टइ रक्खइ अप्पं च गभं च ॥२९॥ ३४१. अणुसुयइ सुयंतीए, जागरमाणीए जागरइ गब्भो ।
सुहियाए होइ सुंहिओ, दुहियाए दुक्खिओ होइ ॥३०॥ ३४२. उच्चारे पासवणे खेले सिंघाणए वि से नत्थि ।
अट्ठीमिंज-नह-केस-मंसु-रोमेसु परिणामो॥३१॥ ३४३. आहारो परिणामो उस्सासो तह य चेव नीसासो ।
सव्वपएसेसु भवइ, कवलाहारो य से नत्थि ॥ ३२॥ ३४४. एवं बौदिमइगओ गब्भे संवसइ दुक्खिओ जीवो ।
परमैतिमिसंधयारे अमेज्झभरिए पैएसम्मि ॥ ३३॥
२०
[सु. गा. ३४-३६. पुरािसत्थि-नपुंसगाईणं उप्पत्ती] ३४५. आउसो ! तओ नवमे मासे तीए वा पडुप्पन्ने वा अणागए वा चउण्हं माया अन्नयरं पयायइ । तं जहा—इत्थिं वा इत्थिरूवेणं १ पुरिसं वा पुरिसरूवेणं २ नपुंसगं वा नपुंसगरूवेणं ३ बिंबं वा बिंबरूवेणं ४ ॥३४॥
१. चिरजायं पि हु गम्भं सम्म सं० ॥ २. सुही, दुहि' सं० ॥ ३. °मतमसंध° जे० ॥ ४. पइभयम्मि सं०॥
Jain Education International
For Private & Personal Use Only
www.jainelibrary.org
