________________
८९५
[सू० ७७६]
दशममध्ययनं दशस्थानकम् । समाणे परिकुविते तस्स तेतं निसिरेजा, से तं परितावेति, से तं परितावेत्ता तामेव सह तेतसा भासं कुज्जा १ ।
केति तधारूवं समणं वा माहणं वा अच्चासातेज्जा, से य अच्चासातिते समाणे देवे परिकुविए तस्स तेयं निसिरेजा, से तं परितावेति, से तं परितावेत्ता तामेव सह तेतसा भासं कुजा २ ।
केति तहारूवं समणं वा माहणं वा अच्चासातेजा, से य अच्चासातिते समाणे परिकुविते, देवे वि त परिकुविते, दुहतो पडिण्णा तस्स तेतं निसिरेजा, ते तं परितावेत्ता तामेव सह तेतसा भासं कुजा ३ ।
केति तहारूवं समणं वा माहणं वा अच्चासादेजा, से य अच्चासातिते परिकुविते तस्स तेतं निसिरेज्जा, तत्थ फोडा संमुच्छंति, ते फोडा भिज्जति, 10 ते फोडा भिन्ना समाणा तामेव सह तेतसा भासं कुजा ४ ।
केति तहारूवं समणं वा माहणं वा अच्चासातेज्जा, से य अच्चासातिते देवे परिकुविते तस्स तेतं निसिरेजा, तत्थ फोडा तहेव जाव तामेव सह तेतसा भासं कुज्जा ५ ।
केति तहारूवं समणं वा माहणं वा अच्चासाएजा, से त अच्चासातिते 15 परिकुविए देवे य परिकुविए, ते दुहतो पडिण्णा, ते तस्स तेतं निसिरेजा, तत्थ फोडा संमुच्छंति, सेसं तहेव जाव भासं कुज्जा ६ ।
केति तहारूवं समणं वा माहणं वा अच्चासातेजा, से त अच्चासातिते परिकुविते तस्स तेतं निसिरेज्जा, तत्थ फोडा संमुच्छंति, ते फोडा भिजंति, तत्थ पुला संमुच्छंति, ते पुला भिजंति, ते पुला भिन्ना समाणा तामेव 20 सह तेयसा भासं कुज्जा ७ । एते तिण्णि आलावगा भाणितव्वा ९ ।
केति तहारूवं समणं वा माहणं वा अच्चासातेमाणे तेतं निसिरेज्जा, से त तत्थ णो कमति णो पक्कमति, अंचिंअंचिं(अंचिअंचि ?) करेति, करेत्ता आताहिणपयाहिणं करेति, करेत्ता उर्दू वेहासं उप्पतति, उप्पतेत्ता से णं ततो पडिहते पडिणियत्तति, पडिणियत्तेत्ता तमेव सरीरगमणुदहमाणे अणुदहमाणे 25 सह तेतसा भासं कुज्जा जहा वा गोसालस्म मंखलिपुत्तस्स तवे तेते १०। १. सेत्तं क० ॥
Jain Education International
For Private & Personal Use Only
www.jainelibrary.org
