________________
आचार्यश्रीअभयदेवसूरिविरचितटीकासहिते स्थानाङ्गसूत्रे
काले कालोभासे जाव परमकिण्हे वन्नेणं, से णं तत्थ वेदणं वेदिहिती उज्जलं
व दुरहिया
।
से णं ततो नरतातो उव्वट्टेत्ता आगमेसाते उस्सप्पिणीते इहेव जंबुद्दीवे दीवे भरहे वासे वेयड्डगिरिपायमूले पुंडेसु जणवतेसु सतदुवारे णगरे संमुइस्स 5 कुलकरस्स भद्दाए भारियाए कुच्छिंसि पुमत्ताए पच्चायाहिती । तए णं सा भद्दा भारिया नवण्हं मासाणं बहुपडिपुण्णाणं अद्धट्टमाण य रातिंदियाणं वीतिक्कंताणं सुकुमालपाणिपातं अहीणपडिपुन्नपंचेंदियसरीरं लक्खणवंजण जाव सुरूवं दारगं पयाहिती । जं रयणिं च णं से दारगे पयाहिती तं रयणिं च णं सतदुवारे णगरे सब्भंतरबाहिरए भारग्गसो य कुंभग्गसो त पउमवासे 10 त रयणवासे त वासिहिति । तए णं तस्स दारगस्स अम्मापितरो एक्कारसमे दिवसे वीइक्कंते जाव बारसाहे दिवसे अयमेतारूवं गोण्णं गुणनिप्फण्णं नामधिज्जं काहिंति । जम्हा णं अम्हमिणंसि दारगंसि जातंसि समाणंसि सतदुवारे नगरे सब्भिंतरबाहिरए भारग्गसो य कुंभग्गसो य पउमवासे य रणवासे य वासे वुट्ठे तं होउ णमम्हमिमस्स दारगस्स नामधिजं महापउमे 15 महापउमे, तए णं तस्स दारगस्स अम्मापियरो नामधिज्जं काहिंति - महापउमाती । तए णं तं महापमं दारगं अम्मापितरो सातिरेगअट्ठवासजातगं जाणित्ता महता महता रायाभिसेएणं अभिसिंचिहिंति । से णं तत्थ राया भविस्स महता हिमवंत-महंतमलयमंदर० रायवन्नतो जाव रज्जं पसासेमाणे विहरिस्सति । तते णं तस्स महापउमस्स रन्नो अन्नदा कताड़ दो देवा महिड्डिया जाव 20 महेसक्खा सेणाकम्मं काहिंति, तंजहा - पुन्नभद्दे त माणिभद्दे
सतदुवारे नगरे बहवे रातीसर तलवर - माडंबित कोडुंबित - इब्भ-सेट्ठिसेणावति-सत्थवाहप्पभितयो अन्नमन्नं सद्दावेहिंति एवं वतिस्संति-जम्हाणं देवाप्पिया ! अम्हं महापउमस्स रन्नो दो देवा महिड्डिया जाव महेसक्खा सेणाकम्मं करेंति, तंजहा - पुन्नभद्दे त माणिभद्दे य, तं होउ णमम्हं देवाणुप्पिया ! 25 महापउमस्स रण्णो दोच्चे वि नामधेज्जे देवसेणे देवसेणे । तते णं तस्स महापउमस्स रण्णो दोच्चे वि नामधेज्जे भविस्सइ देवसेणाती देवसेणाती ।
७९०
Jain Education International
For Private & Personal Use Only
www.jainelibrary.org
