________________
६८२
आचार्यश्रीअभयदेवसूरिविरचितटीकासहिते स्थानाङ्गसूत्रे [सू० ५५६] जंबुद्दीवे दीवे भारहे वासे तीताते उस्सप्पिणीते सत्त कुलकरा होत्था, तंजहा
मित्तदामे सुदामे य सुपासे य सयंपभे ।
विमलघोसे सुघोसे य महाघोसे य सत्तमे ॥७९॥ 5 जंबुद्दीवे दीवे भारहे वासे इमीसे ओसप्पिणीते सत्त कुलकरा होत्था, तंजहा
पढमित्थ विमलवाहण चक्खुम जसमं चउत्थमभिचंदे । तत्तो पसेणती पुण मरुदेवे चेव नाभी य ॥८०॥
एतेसि णं सत्तण्हं कुलकराणं सत्त भारियाओ होत्था, तंजहा10
चंदजसा चंदकंता सुरूव पडिरूव चक्खुकंता य । सिरिकंता मरुदेवा कुलकरइत्थीण नामाइं ॥८१॥
जंबुद्दीवे दीवे भारहे वासे आगमेसाते उस्सप्पिणीते सत्त कुलकरा भविस्संति, तंजहा
मित्तवाहणे सुभोमे य सुप्पभे य सयंपभे । 15 दत्ते सुहुमे सुबंधू य आगमेसेण होक्खती ॥८२॥
विमलवाहणे णं कुलकरे सत्तविधा रुक्खा उवभोगत्ताते हव्वमागच्छिंसु, तंजहा
मत्तंगता त भिंगा चित्तंगा चेव होंति चित्तरसा ।
मणियंगा त अणियणा सत्तमगा कप्परुक्खा य ॥८३॥ 20 [सू० ५५७] सत्तविधा दंडनीती पन्नत्ता, तंजहा-हक्कारे, मक्कारे, धिक्कारे, परिभासे, मंडलबंधे, चारते, छविच्छेदे । - [सू० ५५८] एगमेगस्स णं रन्नो चाउरंतचक्कवहिस्स सत्त एगिदियरतणा
पन्नत्ता, तंजहा-चक्करतणे, छत्तरयणे, चम्मरयणे, दंडरतणे, असिरतणे, .. मणिरयणे, काकणिरतणे । 25 एगमेगस्स णं रन्नो चाउरंतचक्कवट्टिस्स सत्त पंचेंदियरतणा पन्नत्ता, तंजहा
Jain Education International
For Private & Personal Use Only
www.jainelibrary.org
