________________
६७३
[सू० ५५३]
सप्तममध्ययनं सप्तस्थानकम् । सजगामस्स णं सत्त मुच्छणातो पन्नत्ताओ, तंजहामंगी कोरव्वी या, हरी य रयणी य सारकंता य । छट्ठी य सारसी णाम, सुद्धसज्जा य सत्तमा ॥६१॥ मज्झिमगामस्स णं सत्त मुच्छणातो पन्नत्ताओ, तंजहाउत्तरमंदा रयणी, उत्तरा उत्तराससा । अस्सोकंता य सोवीरा, अभिरु हवति सत्तमा ॥२॥ गंधारगामस्स णं सत्त मुच्छणातो पन्नत्ताओ, तंजहाणंदी तु खुद्दिमा पूरिमा य चउत्थी य सुद्धगंधारा । उत्तरगंधारा वि त, पंचमिता हवति मुच्छा उ ॥६३।। सुटुत्तरमायामा, सा छट्ठी णियमसो उ णायव्वा । अह उत्तरायता कोडीमा त सा सत्तमी मुच्छा ॥६४॥ सत्त स्सरा कतो संभवंति ? गेयस्स का भवति जोणी ? । कतिसमता उस्सासा ? कति वा गेयस्स आगारा ? ॥६५॥ सत्त सरा णाभीतो, भवंति गीतं च रुन्नजोणीतं । पादसमता उस्सासा, तिन्नि य गीयस्स आगारा ॥६६॥ आइमिउ आरभंता, समुव्वहंता य मज्झगारम्मि । अवसाणे य खवेंता, तिन्नि य गेयस्स आगारा ॥६७॥ छ दोसे अट्ठ गुणे, तिनि य वित्ताई दो य भणितीओ । जाणाहिति सो गाहिति, सुसिक्खितो रंगमज्झम्मि ॥६८॥ भीतं दुतं रहस्सं, गायतो मा त गाहि उत्तालं । काकस्सरमणुनासं च, होति गेयस्स छ दोसा ॥६९॥ पुण्णं रत्तं च अलंकियं च, वत्तं तथा अविघुटुं । मधुरं सम सुकुमारं, अट्ठ गुणा होंति गेयस्स ॥७०॥ उर-कंठ-सिरपसत्थं च, गिजते मउअ-रिभितपदबद्धं । समताल-पडुक्खेवं, सत्तस्सरसीभरं गेयं ॥७१॥
25
Jain Education International
For Private & Personal Use Only
www.jainelibrary.org
