________________
६७२
आचार्यश्रीअभयदेवसूरिविरचितटीकासहिते स्थानाङ्गसूत्रे
5
सजं रवति मऊरो, कुक्कुडो रिसभं सरं । हंसो णदति गंधारं, मज्झिमं तु गवेलगा ॥५०॥ अह कुसुमसंभवे काले, कोइला पंचमं सरं । छटुं च सारसा कोंचा, णेसायं सत्तमं गतो ॥५१॥ सत्त सरा अजीवनिस्सिता पन्नत्ता, तंजहासजं रवति मुइंगो, गोमुही रिसभं सरं । संखो णदति गंधारं, मज्झिमं पुण झल्लरी ॥५२॥ चउचलणपतिट्ठाणा, गोहिया पंचमं सरं ।
आडंबरो रेवततं, महाभेरी य सत्तमं ॥५३॥ 10 एतेसि णं सत्तण्हं सराणं सत्त सरलक्खणा पत्नत्ता, तंजहा
सज्जेण लभति वित्तिं, कतं च ण विणस्सति । गावो मित्ता य पुत्ता य, णारीणं चेव वल्लभो ॥५४॥ रिसभेणं तु एसजं, सेणावच्चं धणाणि य ।
वत्थगंधमलंकारं, इथिओ सयणाणि त ॥५५॥ 15 गंधारे गीतजुत्तिण्णा, वज्जवित्ती कलाहिया ।
भवंति कतिणो पण्णा, जे अन्ने सत्थपारगा ॥५६॥ मज्झिमसरसंपन्ना, भवंति सुहजीविणो । खायती पियती देती, मज्झिमं सरमस्सितो ॥५७।।
पंचमसरसंपन्ना, भवंति पुढवीपती । 20 सूरा संगहकत्तारो, अणेगगणणातगा ॥५८॥
रेवतसरसंपन्ना, भवंति कलहप्पिया । साउणिता वग्गुरिता, सोयरिया मच्छबंधा य ॥५९॥ चंडाला मुट्ठिया मेता, जे अन्ने पावकम्मिणो ।
गोघातगा य जे चोरा, णेसातं सरमस्सिता ॥६०॥ ____ 25 एतेसिं णं सत्तण्हं सराणं तयो गामा पण्णत्ता, तंजहा-सज्जगामे,
___मज्झिमगामे, गंधारगामे ।
Jain Education International
For Private & Personal Use Only
www.jainelibrary.org
