________________
पंचमं पिंडेसणऽज्झयणं
[पढमो उद्देसभो] . ८३. संपत्ते भिक्खकालम्मि असंभंतो अमुच्छिओ।
इमेण कमजोगेण भत्त-पाणं गवेसए ॥ १॥ ८४. से गामे वा नगरे वा गोयरग्गगओ मुणी ।
चरे मंदमणुविग्गो अव्वक्खित्तेण चेयसा ॥२॥ ८५. पुरओ जुगमायाए पेहमाणो महिं चरे ।
वजेतो बीय-हरियाई पाणे य दग-मट्टियं ॥३॥ ८६. ओवायं विसमं खाणुं विज्जलं परिवज्जए ।
संकमेण न गच्छेजा विजमाणे परक्कमे ॥४॥ ८७. पवडते व से तत्थ पंक्खुलंते व संजए ।
हिंसेज पाण-भूयाइं तसे अदुव थावरे ॥५॥ ८८. तम्हा तेण न गच्छेन्जा संजए सुसमाहिए।
सँइ अन्नेण मग्गेण जयमेव परक्कमे ॥६॥ ८९. इंगालं छारियं रासिं तुसरासिं च गोमयं ।
संसरक्खेहिं पाएहिं संजओ तं न अक्कमे ॥७॥ ९०. न चरेज वासे वासंते महियाए व पंडंतिए ।
महावाए व वायंते तिरिच्छसंपाइमेसु वा ॥८॥
१. भिक्खुका जे०॥ २. अवक्खित्तेण चेतसा अचू०॥ ३. सव्वतो जुग अचूपा० । सब्वत्तो जुग° धृपा०॥ ४. मादाय पे अचूपा० ॥ ५. वर्जितो अचू० खं १.२.४ । बज्जतो शु०॥ ६. पक्खलंते खं२ शु० ॥ ७. पाणि-भू खं २। पाण-भूते य तसे वृ०॥ ८. असति अण्णेण अचूपा० ॥ ९. एतदनन्तरमगस्त्यचूर्णावयं सूत्रश्लोकोऽधिक उपलभ्यते-- चलं कहें सिलं वा वि इट्टालं वा वि संकमो। ण तेण भिक्खू गच्छेज्जा दिट्ठो तत्थ असंजमो॥, सूत्रश्लोकस्यास्य वक्तव्यमत्रमुलवाचनायाः १७८-७९ सूत्रश्लोकद्वयपाठे विद्यते॥ १०. ससरक्खेण पाएण सं° अचू०॥ ११. णऽइक्कमे खं ३ जे० शु० । न अइक्कमे खं ४ ॥ १२. पडतीए अचू० ॥१३. वि खं४॥
Jain Education International
For Private & Personal Use Only
www.jainelibrary.org
