________________
दसवेयालियसुत्ते
[सु० ९१९१. न चरेज वेससामंते बंभचेरवसाणुए।
बंभयारिस्स दंतस्स होजो तत्थ विसोत्तिया ॥९॥ ९२. अणायणे चरंतस्स संसग्गीएँ अभिक्खणं ।
होज वयाणं पीला सामण्णम्मि य संसओ॥१०॥ ९३. तम्हा ऍयं वियाणित्ता दोसं दोगगइवड्ढणं ।
वजए वेससामंतं मुणी एगंतमस्सिए ॥११॥ ९४. साणं सूयं गाविं दित्तं गोणं हयं गयं ।
संडिब्भं कलहं जुद्धं दूरओ परिवजए ॥१२॥ ९५. अणुन्नए नावणए अप्पहिढे अंणाउले।
इंदियाइं जैहाभागं दमइत्ता मुणी चरे ॥१३॥ ९६. दवदवस्स ने गच्छेजा भासमाणो य गोयरे ।
हसंतो नाभिगच्छेजा कुलं उच्चावयं सया ॥१४॥ ९७. आलोयं थिग्गलं दारं संधि दगभवणाणि य ।
चरंतो न विणिज्झाए संकट्ठाणं विवजए ॥१५॥ ९८. रण्णो गहईणं च रहस्साऽऽरक्खियाणि य ।
संकिलेसकरं ठाणं दूरओ परिवज्जए ॥१६॥ ९९. पडिकुट्टकुलं न पविसे मामगं परिवजए। ___अँचियत्तकुलं न पविसे चियत्तं पविसे कुलं ॥१७॥
१. बंभचेरवसाणए वृ. हाटी० शुपा० । बंभचारिवसाणुए अचूपा० ॥ २. हुज्जा तत्थ विसुत्तिया सं २॥ ३. अणाययणे अचू० वृ०॥ ४. ग्गीय म° खं ४ वृ०॥ ५. एवं जे. अचू० ॥ ६. दुग्गतिव खं २ अचू० शु० ॥ ७. सूइयं खं १-३ जे० । सूईयं खं ४ । सूवियं अचू०॥ ८. संडिंभं हाटी० ॥ ९. अणुनये खं ४। अणुण्णते अचू०॥ १०. अणाइले जे०। अणाविले अचू०॥ ११. जहाभावं वृ०॥ १२. ण चरेज्जा भा॰ अचू०॥ १३. व हाटी० शुपा०। वि अचू०॥ १४. कुलमुच्चा जे० अचू०॥ १५. विणिज्जाए खं ३.४ जे०॥ १६. संकाठाणं वृ०॥ १७. °वतीणं अचू०॥ १८. रहसाऽऽरक्खियाण य ख ३ हाटी। रहसाऽऽरक्खियाणि य खं १.२-४ शु० । रहस्सारक्खिताण य अचू०॥ १९. मामकं अचू० ॥ २०. अच्चियत्त अचू०॥
Jain Education International
For Private & Personal Use Only
www.jainelibrary.org
