Agam 06 Ang 06 Gnatadharma Sutra

SR No.: 001021
Original Sutra Author: N/A
Author: Jambuvijay, Dharmachandvijay
Publisher: Mahavir Jain Vidyalay
Publication Year: 1990
Total Pages: 737
Language: Prakrit
Classification: Book_Devnagari, Agam, Canon, Story, Literature, & agam_gyatadharmkatha
File Size: 14 MB

Page 228

२८]
पढमे अज्झयणे 'उक्खित्ते वासे दाहिडभरहे गंगाए महाणदीए दाहिणे कूले विंझगिरिपायमूले एगेणं मत्तवरगंधहत्थिणा ऐगाए गयवरकरेणुए कुच्छिसि गयकलभए जणिते । तते णं सा गयकलभिया णवण्हं मासाणं वसंतमासंसि तुमं पयाया।
तते णं तुम मेहा ! गब्भवासाओ विप्पमुक्के समाणे गयकलभए यावि होत्था, रतुप्पलरत्तसूमालए जासुमणा-ऽऽरतपालियत्तय-लक्खारस-सरस-कुंकुम-संझब्भराग- ५ वण्णे इढे णियगस्स जूहवइणो गणियारकणेरुकोत्थहत्थी अणेगहत्थिसयसंपरिबुडे रम्मेसु गिरिकाणणेसु सुहंसुहेणं विहरसि। तते णं तं मेहा! उम्मुक्कबालभावे जोव्वणगमणुप्पत्ते जूहवइणा कालधम्मुणा संजुत्तेणं तं जूहं सयमेव पडिवज्जसि । तते णं तुम मेहा ! वणयरेहिं निव्वत्तियनामधेजे जाव चंउदंते मेरुप्पभे हत्थिरयणे होत्था तत्थ णं तुमं मेहा ! सत्तसइयस्स जूहस्स आहेवचं जाव १. अभिरमेत्था।
तते णं तुम मेहीं ! अन्नया कयाइ गिम्हकालसमयंसि जेट्ठामूले वणदवजालपलित्तेसु वर्णतेसु धूमाउलासु दिसासु जाव मंडलवाए व्व परिब्भमंते भीते तत्थे जाव संजायभए बहूहिं हत्थीहि य जीव कलभियाहि य सद्धिं संपरिबुडे सव्वतो समंता दिसोदिसिं विप्पलाइत्था।
तते "णं तव मेहा ! तं वणदवं पासित्ता अयमयारूवे अज्झथिए जाव समुप्पन्जित्था-कहि णं मन्ने मैया अयमेयारूवे अग्गिं संभमे अणुभूयपुवे । तए णं तव मेहा ! लेस्साहिं विसुज्झमाणीहिं अज्झवसाणेणं सोहणेणं सुभेणं परिणामेणं
१. दाहिणकूले जे१खं १ विना। दाहिणिल्ले कूले खं १॥ २. एगाए वरकणेरुए हे २। "करेणुए ति करेणुकायाः"-अटीखं० अटीजे०॥ ३. °मासंमि हे १ । °माले सं १ ला३॥ ४. पालियत्तलक्खा हे १ सं १ ला २, ३। “आरक्तपारिजातकश्च वृक्षविशेष:"-अटी.॥ ५. गगियारकरेणुकोत्थ हे १ लासं०३ | "गणियार त्ति गणिकाकाराः सकामा याः करेणवः" -अटी० ॥ ६. °कोत्थहत्थो हे १ । “कोत्थं ति उदरदेशः, तत्र हस्तो यस्य कामक्रीडापरायणत्वात् स तथा, इह च 'इन' समासान्तो द्रष्टव्यः"-अटी०॥ ७. उमुक्क हे १, २॥ ८. चउदंते हे २ सं १ ला ३॥ ९. होत्था सत्तंगपतिहिए तहेव जाव पडिरूवे तत्थ जे १ हे १ । “निन्वत्तियनामधेजो, इह यावत्करणेन यद्यपि समग्रः पूर्वोक्तो हस्तिवर्णकः सूचितस्तथापि श्वेततावर्णकवों द्रष्टव्यः, इह रक्तस्य तस्य वर्णितत्वात् । अत एवाग्रे 'सत्तुस्सेहे' इत्यादिकमतिदेशं वक्ष्यति । यत् पुनरिह दृश्यते सत्तंगेत्यादि तद् वाचनान्तरवर्णकापेक्षं कुलिखितमिति”–अटी०॥ १०. मेहा नास्ति जे १ हे १ विना॥ ११. तत्थे व जाव जे १ हे १॥ १२. जाव कलमेहि य सद्धिं हे १ जे१। जाव कलभियाहि य जाव सद्धिं सं१ ला३॥ १३. तुम मेहा जे १॥ १४. कहिण्णसं १ ला १, २,३ लामू० हे ४ ॥ १५. मए जे १ हे १ विना ।। १६. °संभवे खं १ ला १, २, लासं० ३ हे ४॥