________________
सु० ७-२७]
उवहि- पणिहाणभेयपरूवणार
[सु. २०-२२. मण- चइ-कायभेएणं दुप्पणिहाण-सुप्पणिहाणाणं भेयतियं 'चउवीसइदंडएसु य जहाजोगं निरूवणं ]
२०. कतिविधे णं भंते ! दुप्पणिहाणे पन्नत्ते ? गोयमा ! तिविहे दुप्पणिहाणे पन्नत्ते, तं जहा – मणदुप्पणिहाणे जहेव पणिहाणेणं दंडगो भणितो तहेव दुप्पणिहाणेण वि भाणियव्वो ।
२१. कतिविधे णं भंते! सुप्पणिहाणे पन्नत्ते ? गोयमा ! तिविधे सुप्पणिहाणे पन्नत्ते, तं जहा -- मणसुप्पणिहाणे वतिसुप्पणिहाणे कायसुप्पणिहाणे । २२. मणुस्साणं भंते ! कतिविधे सुप्पणिहाणे पन्नत्ते १ एवं चैव । सेवं भंते! सेवं भंते! जाव विहरति ।
[सु. २३. भगवओ जणवय विहरणं ]
२३. तए णं समणे भगवं महावीरे जाव बहिया जणवयविहारं विहरइ । [ सु. २४ - २५. रायगिहनगरट्ठियाणं अन्नउत्थियाणं भगवंत रूवियअस्थि - कायविस अन्नोन्नं जिन्नासा ]
२४. तेणं कालेणं तेणं समएणं रायगिहे नामं नयरे होत्था । वण्णतो । गुणसिलए चेतिए । वण्णओ, जाव पुढविसिलावट्टओ ।
२५. तस्स णं गुणसिलस्स चेतियस्स अदूरसामंते बहवे अन्नउत्थिया परिवसंति, तं जहा - कालोदाई सेलोदाई एवं जहा सत्तमसते अन्नउत्थिउद्देसए (स ७ उ० १० सु० १ - ३) जाव से कहमेयं मन्ने एवं १
[सु. २६–२८, रायगिहनगरसमागयं भगवंतं सोच्चा मद्दुयसमणोवासयस्स भगवंतर्वदणनिमित्तं गमणं ]
२६. तत्थ णं रायगिहे नगरे महुए नामं समणोवासए परिवसति अड्डे जाव अपरिभूए अभिगय० जाव विहरइ ।
२७. तए णं समणे भगवं महावीरे अन्नदा कदायि पुव्वाणुपुर्वि चरमाणे जाव समोसढे । परिसा जाव पज्जुवासइ ।
Jain Education International
८१७
For Private & Personal Use Only
१०
१५
२०
www.jainelibrary.org
