________________
५६८
वियाहपण्णत्तिसुत्तं
[स० १२ उ०२ कोडुंबियपुरिसे सद्दावेति, को० स० २ एवं वयासी-खिप्पामेव भो देवाणुप्पिया ! कोसंबिं नगरि सब्भिंतरबाहिरियं एवं जहा कूणिओ तहेव सव्वं जाव पज्जुवासइ।
७. तए णं सा जयंती समणोवासिया इमीसे कहाए लद्धट्ठा समाणी हट्टतुट्ठा जेणेव मियावती देवी तेणेव उवागच्छति, उवा० २ मियावतिं देविं एवं वयासी–एवं जहा नवमसए उसभदत्तो (स० ९ उ० ३३ सु०५) जाव भविस्सति ।
८. तए णं सा मियावती देवी जयंतीए समणोवासियाए जहा देवाणंदा (स०९ उ० ३३ सु०६) जाव पंडिसुणेति ।
९. तए णं सा मियावती देवी कोडंबियपुरिसे सद्दावेति, को० स०२ एवं वयासी-खिप्पामेव भो देवाणुप्पिया! लहुकरणजुत्तंजोइय० जाव (स० ९ उ० ३३ सु० ७) धम्मियं जाणप्पवरं जुत्तामेव उवट्ठवेह जाव उवट्ठवेंति जाव पञ्चप्पिणंति ।
१०. तए णं सा मियावती देवी जयंतीए समणोवासियाए सद्धिं ण्हाया १५ कयबलिकम्मा जाव सरीरा बहूहिं खुजाहिं जाव (स०९ उ०३३ सु०१०)
अंतेउराओ निग्गच्छति, अं० नि० २ जेणेव बाहिरिया उवट्ठाणसाला जेणेव धम्मिए जाणप्पवरे तेणेव उवागच्छति, ते० उ० २ जाव (स०९ उ०३३ सु०१०) रूढा।
११. तए णं सा मियावती देवी जयंतीए समणोवासियाए सद्धिं धम्मियं २० जाणप्पवरं रूढा समाणी णियगपरियाल० जहा उसभदत्तो (स०९ उ०३३ सु०११) जाव धम्मियाओ जाणप्पवराओ पच्चोहति ।
१२. तए णं सा मियावती देवी जयंतीए समणोवासियाए सद्धिं बहहिं खुजाहिं जहा देवाणंदा (स०९ उ०३३ सु०१२) जाव वंदति नमसति,
१. देशीशब्दसमहे द्वितीयवर्गे द्वितीयगाथायां 'कोडंब'शब्दः 'कार्य'वाचको निर्दिष्टः । कोडंब-कार्यं कुर्वन्तीति कोडुबिया, कोडुंबियपरिसे-कार्यकरपुरुषान् । सम्पादकः ॥ २. दृश्यतां औपपातिकसूत्रम् , प० ६१-७५, सू० २९-३२, आगमोदय० ॥ ३. कोणिो मु० ला ४॥ ४. पडिस्सुणेति जं०॥ ५. °त्तरोहिय जाव जे० ला १ ला ४। °त्तरोधिय जाव जं०। पत्र मूलस्थः पाठो मुद्रिते तथा ला० द. विद्यामन्दिरस्थसटीकभगवतीसूत्रस्य हस्तलिखितप्रती वर्तते॥ ६. बाधिरि जं०॥ ७. रुधति जं०॥ ८. बहूधिं जं०॥
Jain Education International
For Private & Personal Use Only
www.jainelibrary.org
