________________
सु० २४-२८, १-४] अकाम-पकामनिकरणवेदणापरूवणाइ
३०१ २८. कहं णं भंते ! पभू वि पकामनिकरणं वेदणं वेदेति १ गोयमा ! जे . णं नोपभू समुदस्स पारं गमित्तए, जे णं नोपभू समुदस्स पारगताई रूवाई पासित्तए, जे णं नोपभू देवलोगं गमित्तए, जे णं नोपभू देवलोगगताई रूवाई पासित्तए एस णं गोयमा ! पभू वि पकामनिकरणं वेदणं वेदेति ।
सेवं भंते ! सेवं भंते ! त्ति।
॥ सत्तमस्स सत्तमो उद्देसओ समत्तो ॥ ७.७॥
[अट्ठमो उद्देसो ‘छउमत्थ'] [सु. १. छउमत्थाइ-केवलीणं कमसो असिज्झणाइ-सिझणाइपरूवणनिदेसो]
१. छउमत्थे णं मंते ! मणूसे तीयमणंतं सासयं समयं केवलेणं संजमेणं एवं जहा पढमसते चउत्थे उद्देसए (सु. १२-१८) तहा भाणियव्वं जाव १० अलमत्थु।
[सु. २. हत्थि-कुंथूणं समजीवत्तपरूवणे रायपसेणइजसुत्तनिदेसो]
२. से गूणं भंते ! हथिस्स य कुंथुस्स य समे चेव जीवे ? हंता, गोयमा ! हथिस्स य कुंथुस्स य एवं जहा रोयपसेणइजे जाव खुड्डियं वा, महालियं वा, से तेणटेणं गोयमा ! जाव समे चेव जीवे ।
१५
[सु. ३-४. चउघीसदंडएमु पावकम्मकरण-निजिणणाई पडुच्च
कमसो दुह-सुहपरूवणं] ३. नेरइयाणं भंते ! पावे कम्मे जे य कडे, जे य कजति, जे य कजिस्सति सव्वे से दुक्खे ? जे निजिण्णे से णं सुहे ? हंता, गोयमा ! नेरइयाणं पावे कम्मे जाव सुहे।
४. एवं जाव वेमाणियाणं।
१. दृश्यतां गुर्जरग्रन्थरत्नकार्यालयप्रकाशिते रायपसेणिये पृ० ३२४ तः ३२६ । श्रीअभयदेवीयवृत्तावत्र रायपसेणियगत उपयुक्तः पाठः समुल्लिखितोऽस्ति । रायप्प ला १ मु०॥
Jain Education International
For Private & Personal Use Only
www.jainelibrary.org
