________________
૬૩૨૦શ્રી શ્રાદ્ધ-પ્રતિક્રમણ-સૂત્રપ્રબોધટીકા-૩
(મિ) કાઉસ્સગ્ગ' ઇત્યાદિ સૂત્ર (‘તસ્સ ઉત્તરી', “અન્નત્થ' સૂત્ર-સહિત) ભુજાઓ લાંબી કરીને તેની કોણીથી કટિવસ્ત્ર ધરી રાખી, ઘોટકાદિ દોષો ટાળીને કાઉસ્સગ્ન કરે. એમાં નાભિથી ચાર આંગળ નીચે તથા ઢીંચણથી ચાર અંગુલ ઊંચે કટિવસ્ત્ર પહેરે. ૩-૪.
તે કાઉસ્સગ્નમાં દિવસે સેવેલા અતિચારોનું કમસર ચિંતવન કરી ધારણા કરે. પછી નમસ્કાર-પૂર્વક કાઉસ્સગ્ન પારીને ચતુર્વિશતિ-સ્તવ દંડક (“લોગસ્સ' સૂત્ર) બોલે. ૫.
સંડાસા પૂંજી, અર્થાત્ સાથળ તથા ઉરુના સંધિ-ભાગોની પ્રાર્થના કરીને નીચે ઉભડક પહોળા બેસી બન્ને હાથ ક્યાંય (પરસ્પર કે બીજાને) લગાડ્યા સિવાય મુખાનન્તક (મુહપત્તી) અને શરીરનાં પચીસ સ્થાને પ્રતિલેખના કરે. ૬.
ઊભો થઈને પછી ઉભડક બેસીને વિનય-પૂર્વક વિધિ-યુક્ત ગુરુને બત્રીસ દોષ-રહિત અને પચીસ આવશ્યકથી વિશુદ્ધ વંદન કરે. ૭.
ત્યારપછી (ઊભા ઊભા) બરાબર મસ્તક નમાવીને અને બને હાથમાં વિધિપૂર્વક મુહપત્તી અને રજોહરણ ધારણ કરીને (પૂર્વે) ચિંતવી રાખેલા અતિચારો યથાક્રમે ગુરુની આગળ પ્રગટ કરે. ૮.
પછી બેસીને ઉપયોગ-સહિત સામાયિક (કરેમિ ભંતે) વગેરે બોલવા પૂર્વક શ્રમણશ્રાવક)-પ્રતિક્રમણ સૂત્ર બોલી વિધિથી દ્રવ્યભાવ બંને રીતે ઊભો થઈને “અભુક્રિઓ મિ' ઈત્યાદિ પાઠ બોલે. ૯.
પછી વાંદણાં દઈને પાંચ કે વધુ સાધુ હોય તો ત્રણને ખમાવે. પછી વાંદણાં દે અને “આયરિય-ઉવજઝાએ” એ ત્રણ ગાથા બોલે. ૧૦.
સામાયિક (કરેમિ ભંતે) સૂત્ર તથા ઉત્સર્ગ (તસ્સ ઉત્તરી,” “અન્નત્થ') સૂત્ર બોલી કાયોત્સર્ગમાં ઊભો રહી ચારિત્રાચારમાં લાગેલા અતિચારોની શુદ્ધિ માટે બે (ઉજ્જોઅ) “લોગસ્સનો કાઉસ્સગ્ન કરે. ૧૧.
પછી વિધિ-પૂર્વક પારીને સમ્યક્તની શુદ્ધિ માટે લોગસ્સ કહે. તથા સર્વલોકમાંના અહંત-ચૈત્યોની આરાધનાનો કાઉસ્સગ્ન (“સવલોએ અરિહંતચેઈઆણં, “અન્નત્થ' કાયોત્સર્ગ-સૂત્ર બોલીને) કરે. ૧૨.
Jain Education International
For Private & Personal Use Only
www.jainelibrary.org
